1 Jon 4:21 - Madak

²¹ Mo lavapaase ne Karisito gara raba vam dik min i lok keretna; do tara i balamu ne Moroa, neni na balamu bok neton.

1 Jon 4:21 ပူးပေါင်းရင်းမြစ်များ

Metiu 5:43

La ne Iesu ga lok bok tidi, “Miga ronga bok pam i, diga tong i do, ‘Mina balamu larapen tangas atnimi, la mina lox angtungun tidi di munepen minimi.’

Lagale Lavavang At Ne Iesu Karisito Luk Ga Malagan i 10:37

Laradi loklox ase at Lenavolo ga vorang i rin keretna, “Mo laradi ga lok tooro i.” Iesu ga lok tin, “Una lok mun i xuren.”

Lagale Lavavang At Ne Iesu Karisito Jon Ga Malagan I 15:12

Lavapaase rak keretna, mina ebalamu ela minimi xerekngan nia a balamu nimi.

Galesia 5:14

mila lasangaun Lenavolo axap dik lok mene nga at legesa ngas linga xeretna, “Una balamu limixin ngan pam do u balamu axa u.”

Galesia 5:6

Do nema mak lox eburu mi ne Iesu Karisito, mo leveloklok ti rivit kepe lengkontuxu kopmen lavanga silok; ixo lok petpes tinotno xantubu at taradi diga vit kepe toxontuxu ren la tara di goxo vit kepe toxontuxu ren. Ketla legesa vanga mene nga i silok aleng, neni lunuunu la labalamu i ravasu ren.

1 Tesalonia 4:9

Nema noxo malagan tevelinga mumu labalamu atnimi saparap limixin nuunu; mila ne Moroa ga lox ase vam nimi do mina ebalamu ela.

1 Pita 3:8

Ti lox axap na levelinga xeretna, nemi axap mina ruuna legesa doxoma eburu mi legesa sumsuma xeretna; mina doma mumu nedi di ruuna levenmumuat, la mina ebalamu ela ngan nemi loxoeton la mina belemumu nedi la mina lox asi nemi.

1 Pita 4:8

Mavana at levempanga axap, mina ebalamu ela nemi mi luruturun atla labalamu at limixin naba ru pe laxangkakapmek solo.

1 Jon 2:7

Larapen tangas orong tarak. Na levelinga a malagan li vam i, kopmen leretere maxat. Levelinga ganoxa min, la miga ruuna ka i at lurutu kaxat at lunuunu atnimi saparap ne Iesu Karisito, la mo levelinga migara ronga vam i ni levelinga me migomgo.

1 Jon 3:11

Mo levelinga miga ronga i, ga ru ka i at lurutu kaxat at lunuunu maxat atnimi saparap ne Iesu Karisito, la mo levelinga i lok keretna; nedik ata ebalamu ela.

1 Jon 3:14

Nedik ataklen i do dik gara on basinge vam lololos at lanmet, la dik dira beles polo ri lorooro. Nedik takleklen i na mila nedik ta ebalamu ela. Do tara kopmen tabalamu ren, neni move i nemen maxopok at lololos at lanmet.

1 Jon 3:18

Luvutnuruk orong. Labalamu atnedik kopmen noxo lok ngan levelinga la lempapaase gamasa mene nga, ketla ata ruuna ka labalamu ruturun, kusu leveloklok atdik ba lox asuusu i do labalamu ruturun mo ik lok keneng atdik.

1 Jon 3:23

La levelinga ren tidik i lok keretna, nedik tana nuunu at laasen at ne Nitna, neni ne Iesu Karisito la atana ebalamu ela kerekngan ne Iesu ga tong i ridik.

1 Jon 4:11

Larapen tangas orong tarak. Do ne Moroa i balamu nedik kerepmo, nedik bok ata ebalamu ela.