Mina mulus kaka nedi limixin di vamigis nimi la mina domampe laxakapmek atnedi di lok laxakapmek tinimi. Mina domampe laxakapmek atnedi kerekngan Leeme Silok i doxoma xepe laxakapmek atnimi.
Larapen tangas orong tarak. Na levelinga a malagan li vam i, kopmen leretere maxat. Levelinga ganoxa min, la miga ruuna ka i at lurutu kaxat at lunuunu atnimi saparap ne Iesu Karisito, la mo levelinga migara ronga vam i ni levelinga me migomgo.
Mo levelinga miga ronga i, ga ru ka i at lurutu kaxat at lunuunu maxat atnimi saparap ne Iesu Karisito, la mo levelinga i lok keretna; nedik ata ebalamu ela.
La levelinga ren tidik i lok keretna, nedik tana nuunu at laasen at ne Nitna, neni ne Iesu Karisito la atana ebalamu ela kerekngan ne Iesu ga tong i ridik.
Larapen tangas orong tarak. Ata ebalamu ela mila ne Moroa ni lavasuun at labalamu. Mo lara do i umsu mi labalamu, ni ne nitna ne Moroa la ikleklen ne Moroa.
La monga a sing u, latkin orong, do dik tana ebalamu ela. Na xopmen leretere maxat a malagan i ru. Na leretere dik taga ronga ka i ap mo laaleng nedik taga lok ka lorooro maxat at ne Iesu Karisito.