1 Jon 3:20 - Madak

²⁰ Do nedik ata suma xapmek ap mo laaleng mumu laxakapmek nedik ga lok pam i gano, ata xasep do nedik limixin at ne Moroa, la neni noxo lok li lumumuat atdik, mila ne Moroa noxo doma solo mo lusumsuma atdik la ikleklen lempanga axap la naba doxoma xepe laxakapmek atdik.

1 Jon 3:20 ပူးပေါင်းရင်းမြစ်များ

Sam 90:8

U saali leveloklok kakapmek atnema ro melamgo ram, mo leveloklok alipe atnema ik lok go ap mo loxot nenu u epovo ri reven kaka di.

Lagale Lavavang At Ne Iesu Karisito Jon Ga Malagan I 21:17

La ne Iesu ga sue sev avantun box i xeretna, “Simon, lamdak at ne Jon. Kereva, u balamu ia?” La ne Pita ga lok tuntun mila ne Iesu ga sue sev avantun box i, ‘Kereva, u balamu ia?’. La ni ga lok ti ne Iesu, “Leeme Silok, ukleklen lempanga axap, uklen i do nia a balamu u.” La ne Iesu ga lok tin, “Una raba luxa levesipsip tarak.

Lagale Lavavang At Ne Iesu Karisito Jon Ga Malagan I 8:9

Se diga ronga i na, digat pas kaxat sisi basinge mo loxot, luvuttadi mukun avot; la melemu ne Iesu xusuk mun ga nemen eburu mi latkin move ga tu go.

Leven Gugu 5:33

Diga ronga i mo la diga musak aleng, la diga lok do dina sev amet di.

Lovoang At Ne Pol Ti Limixin Nunu to Rom 8:34

Nege naba epovo xusu na lok li dik at lavapaase? Kopmen tara, atla ne Iesu Karisito, mo neni ga met la ga roo xat amlong bok, monga it kis at lekngen tino ne Moroa. La i ngising ne Moroa xusu na lok tooro nedik!

1 Korin 4:4

Nenia axa aklen i do kopmen taxakapmek i nemen at lorooro rak, ketla anai xopmen na lox asuusu i do nenia laradi sep mus at ne Moroa; ketla Leeme Silok naba viila mumu lugugu rak.

Taitas 3:11

Una lox i xuren mila limixin kerepmo lodoxoma atdi i xaxarang arup di la lorooro atdi i umsu mi laxapmek. La mo laxapmek teren i lox asuusu i do levelinga bok teren i lok kapmek.

Ibru 4:13

Kopmen tevempanga at na lavatbung menemen axap i epovo na nemen alipe at lemeren ne Moroa. Neni ne Pen Axasep la i reven leveloklok axap at limixin dim doma i xopla dim suma i, la neni naba lok li limixin at lavapaase mumu mo leveloklok.

Ibru 6:13

Ap mo laaleng ne Moroa ga lok lavapaase alii ren ti ne Abaram, neni ga vara i do na lox amumuat levelinga ren, ketla goxopmen tara ga silok tin kusu neni naba vangpe min; kuren la neni ga vangpe xa mi laasen teren.

1 Jon 3:19

Do nedik ta ruuna labalamu xerepmo, i lox asuusu i do nedik luvuttadi at ne Moroa, mo i ruturun. La kerepmo nedik ta noxo suma lanmarat ap mo laaleng dik taba ru ro melamgo at ne Moroa.

1 Jon 3:21

Larapen tangas orong tarak. Nedik ta noxo ruuna ka lumumuat mumu lusumsuma atdik, kuren la nedik ta noxo suma lanmarat to melamgo at ne Moroa,

1 Jon 4:4

Luvutnuruk orong. Nemi limixin at ne Moroa. Mira ke xepe vam lavaeme vapaase xaxarang atla ne Moroa i nemen keneng atnemi la lololos teren i volo lololos at ne Satan, neni lamgomgo at limixin at na lavatbung menemen.

Lisilimet 2:23

La aba sev amet bok laxamdak teren. La limixin axap di nuunu dibaklen i do nenia ne Penasiak, aklen lorooro at limixin axap la aba vorang laxakapmek atnemi mi levesongsongot i epovo at loklok at legetgesa radi.