1 Jon 3:12 - Madak

¹² Nemen dik ta lok ka loklok at ne Kaen. Neni laradi at ne Satan la neni ga sev amet neton, laasen teren ne Abel. Tila ba ne Kaen ga sev amet ne Abel? Lavasuun teren do ne Kaen ga ven kibis i do luruptuvuk teren ga lok kapmek la luruptuvuk at ne Abel ga lox avukat.

1 Jon 3:12 ပူးပေါင်းရင်းမြစ်များ

Sam 37:12

Limixin kapmek di sevut li levelinga ti sev asi limixin avukat la dik milix angtungun tino rinedi.

Sam 38:20

Nedi di sepo lununuan mi laxakapmek; kopmen dina etaba belen minia atla nia a mumu asu langas mokmokso.

Metiu 13:19

Tinedi di ronga lempapaase mumu Linintoo, ketla dixo xasep teren, nedi di lok ngan levenit piao ga subu ro mun at langas. Satan i vot la i lok pes nom levelinga basinge lorooro atdi.

Metiu 13:38

Nom laraamang i ru katling na lavatbung menemen; levenit piao avukat, ni limixin dinaba vubeles ti Linintoo; la lempivilis kapmek, ni limixin di mumu asu ne Satan.

Metiu 23:35

Kuren la minaba xip tutu mi lanmet at limixin mokmokso at na lavatbung menemen, ga ru ka i mi lanmet at ne Abel ga se at lanmet at ne Sakaria, nitna ne Berakaia, mo lavalabat atnimi diga sev amer i ro xantubu at loogu laplavang la loxonin laplavang.

Metiu 27:23

La ne Paelat ga sue di, “Tila mo? Neni ixo lok tavanga xapmek.” Ketla digap kup lolos keretna, “Paxarem i at laxaba.”

Metiu 5:37

Mina tong mene i do, ‘I ruturun!’ kopla ‘Kopmen!’ Toxolinga bok tara na tong i mavana at nai, i laa boro at ne Satan.”

Lagale Lavavang At Ne Iesu Karisito Luk Ga Malagan i 11:51

at laniu at ne Abel ga se at laniu at ne Sakaria, no lavalabat atnimi diga sev amer i ro xantubu at loxot kokotos taba levempanga e xusu ri ne Moroa la loxot i xaala. I ruturun tinotno. A tong i rinimi do limixin at na levenaleng dinabap kip langsangan lumumuat mumu nedi axap!

Lagale Lavavang At Ne Iesu Karisito Jon Ga Malagan I 10:32

Iesu ga lok tidi, “Agara lok pam laxampanga sangsangu ne Tamak ga raba ia min kusu ana lox i ro melamgo atnimi; ti ua lara at nai nemi mi lok do mina lu var ia xusu nen?”

Lagale Lavavang At Ne Iesu Karisito Jon Ga Malagan I 8:40

Nenia a tong asu mun levelinga ruturun aga ronga i boro at ne Moroa la mi vara aleng i do mina sev amer ia; ne Abaram goxo lok tevempanga xerepmo.

Lagale Lavavang At Ne Iesu Karisito Jon Ga Malagan I 8:41

Nemi mik lok levempanga ngan ne temen nimi ik lox i.” Diga lok, “Ne Moroa xusuk mun neni ne temen nama. La nema laxamdak tuturun teren.”

Leven Gugu 7:52

Lavalabat atnimi diga lox asongot lavaeme vapaase alii axap. Digap sev amet luvuttadi at ne Moroa, no gano migomgo diga paase asu lovotpot at laradi mokmokso la lasaxaruki ren. Ketla nanga nemi miga song araba i ri limixin esep la miga sev amer i.

1 Tesalonia 2:14

Luvutnetak mi luvurinuk. Lorooro atnemi ga vee ngan lorooro at limixin nuunu at ne Moroa to Judaia, mo di nuunu at ne Iesu Karisito; nedi digap kip levesongsongot mumu lunuunu atdi, mila limixin me Judaia axa diga lox asongot di; la kerepmo nemi bok migap kip levesongsongot, mila limixin mi legesa vapaase atnimi axa diga lox asongot nimi.

Ibru 11:4

Abel ga ruuna lunuunu, kuren la neni ga raba ne Moroa mi laplavang ga lox avukat ti laramtaba at ne Kaen. Abel ga ruuna lunuunu, kuren la ne Moroa ga emi asu min la ga raba i mi laasen do laradi mokmokso, ap mo laaleng ne Moroa ga siam ka leventamtaba ren. Lunuunu ren move i ngan lampoovo ridik kusu ata mumu asu i, keke i do neni ga met pam.

Ibru 12:24

Mira vosiga vam ne Iesu, neni ga lok lumulum ti lekabus maxat kantubu at ne Moroa eburu mi limixin, la mira vot pam ap mo loxot ne Iesu ga semla li lada ren to melamgo at ne Moroa ngan luunun ti laxakapmek at limixin. Mo lada ren i lox avukat ti lada at ne Abel, mila lada at ne Abel ga lox asuusu lumukmusak at ne Moroa ketla lada at ne Iesu i lox asuusu lumulum.

1 Pita 4:4

Limixin no dik lox amisik at na laxakapmek, di sangu rinotno at loxonaleng nemi mixo emu minedi rik lok mo leveloklok i lok kapmek; kuren la di paase aksaksa mumu nemi.

1 Jon 3:8

Do tara ik lox amisik laxakapmek, neni at ne Satan, mila ne Satan ga lok laxakapmek, ga ru ka i ganoxa at lereot. Lavasuun at lovotpot at ne Nitna ne Moroa do neni na sele utut kepe lugugu at ne Satan.

Lovoang At Ne Jut 1:11

Naba lok kapmek aleng tidi. Nedi di mu asu loklok at ne Kaen. La di ke lodoxoma avukat tik lok ka lempilas kerekngan ne Balam. Nedi limixin tongtonga xepe xerekngan ne Kora la diba uu bok kuren.

Lisilimet 17:6

La nia aga ven mo latkin ga inin tangtangku mi lada at limixin at ne Moroa, la atnedi bok limixin diga met mila diga nuunu at ne Iesu. Se nia aga ven i, aga sangu aleng.