1 Jon 2:27 - Madak

²⁷ Ketla nemi miga ruuna ka vam Loroonan Kaala, ne Iesu Karisito ga raba nimi min, la mo Loroonan Kaala ik lok keneng atnemi. La ixo epovo do tara na anasa nimi, ketla Loroonan Kaala i lox axasep nimi mi lempanga axap, la mo Loroonan Kaala xopmen laxaxarang mun, ketla ni i ruturun. La nemi minat kis esogo mi ne Iesu kerekngan Loroonan Kaala ira lox ase vam nemi min.

1 Jon 2:27 ပူးပေါင်းရင်းမြစ်များ

Metiu 13:11

La ne Iesu ga vorang i ridi xeretna, “Moroa ira raba vam nimi mi lakleklen at Linintoo no vana at laxalibet; gano ga nemen alipe; ketla tinedi limixin petpes kopmen.

Lagale Lavavang At Ne Iesu Karisito Jon Ga Malagan I 14:16

La ne Iesu ga lok bok, “Nia anaba sing ne Tamak, la neni naba raba bok nemi mi lara laradi loklok tooro, la neni naba nemen eburu amisik minimi.

Lagale Lavavang At Ne Iesu Karisito Jon Ga Malagan I 14:17

Neni Loroonan Kaala at luruturun. Limixin at na lavatbung menemen dixo epovo na siam ka i, mila kopmen dina ven kibis i xopla dinaklen i. Ketla nemi miklen i mila neni i nemen eburu minimi la neni naba nemen keneng atnemi.

Lagale Lavavang At Ne Iesu Karisito Jon Ga Malagan I 14:26

Ketla laradi loklok tooro, ni Loroonan Kaala ne Tamak naba riki i xeneng at laasen tarak. Neni naba anasa nimi mi levempanga vipis axap la naba vaase aronga nemi ri levempanga agara tong pam i rinimi.

Lagale Lavavang At Ne Iesu Karisito Jon Ga Malagan I 16:13

Ketla Loroonan Kaala naba vot, ni naba paase asu luruturun at levelinga at ne Moroa, la ni naba anasa nga nimi mi mo levelinga axap i ruturun. Ni noxo anasa nimi mi lodoxoma axa ren, ketla neni naba paase asu levempanga neni ba ronga i boro at ne Moroa la neni naba paase nimi mi levempanga move naba vot.

Lagale Lavavang At Ne Iesu Karisito Jon Ga Malagan I 4:14

Ket do tara na inin at laxadan nenia ana raba i min, neni noxo minu bok ba. I ruturun do laxadan nia ana raba i min naba lok ngan loxodan i puvut su xeneng at lorooro ren, la naba raba i mi lorooro avolo.”

Lagale Lavavang At Ne Iesu Karisito Jon Ga Malagan I 6:45

Lavaeme vapaase alii diga malagan li levelinga xeretna, ‘Limixin axap, ne Moroa naba anasa di.’ Ais 54:13 Nedi axap do di ronga ne Tamak la dia lok kaka loklox anasa ren, nedi diba vosiga ia.

1 Korin 2:12

La nedik, kopmen dik ta goxo ruuna ka mo lodoxoma at limixin mede xopok at na lavatbung menemen. Ketla nedik taga ruuna ka Loroonan Kaala ne Moroa ga riki i ri lox ase dik, kusu atabaklen leveloklox anarong, ne Moroa ga raba gamasa vam dik min.

1 Korin 2:13

Na lavavang atnama luvuttadi vavang ma vavang min, kopmen at limixin akleklen at na lavatbung menemen, ketla lavavang atnama boro xa at Loroonan Kaala mo ga anasa nama min. La kerepmo mak soxomus levelinga mumu ne Moroa rinedi di ruuna Loroonan Kaala.

2 Korin 1:21

Moroa xa ik lox alolos nema eburu minimi xusu dik ataba tu atmatkun keneng at ne Iesu Karisito. Neni ga soxolik ka dik,

Epesas 4:21

Nemi migara ronga xaka vam levelinga ren la diga lox ase nimi min, ik sixit emu mi levenanasa ruturun at ne Iesu.

Kolosi 2:6

Nemi miga siam kaka ne Iesu Karisito ngan Leeme Silok atnimi, kuren la minat kis esogo eburu min.

1 Tesalonia 2:13

La nema ma tong avukat amisik ti ne Moroa mumu nimi. Ap mo laaleng miga siam kaka levelinga at ne Moroa maga tong asu i rinimi, miga doma i do mo levelinga boro at ne Moroa, la goxopmen levelinga at luvuttadi gamasa. Mo levelinga i gugu xeneng at lorooro atnemi limixin mi nuunu.

1 Tesalonia 4:9

Nema noxo malagan tevelinga mumu labalamu atnimi saparap limixin nuunu; mila ne Moroa ga lox ase vam nimi do mina ebalamu ela.

1 Timoti 2:7

La nai lavasuun teren la ni ga sak tiki ia ngan laradi vavang la laradi loklox ase ti limixin kopmen me Judaia, kusu ri tong asu levelinga ruturun at lunuunu ridi. Nia xopmen ana xaxarang, nia a tong asu levelinga ruturun.

1 Pita 1:23

mila miga ruuna xaka livipisik amaxat la na lorooro maxat noxo xap ngan laradi at na lavatkangka, ketla naba nemen amisik; na lorooro ga ravasu at levelinga at ne Moroa la i rooro la naba nemen amisik.

1 Jon 2:28

Luvutnuruk orong. Minat kis esogo amisik mi ne Iesu kusu at lovotpot teren mi noxo marat la mi noxo mangan.

1 Jon 3:24

Do tara i mumu asu levelinga at ne Moroa, neni it kis esogo mi ne Moroa la ne Moroa it kis esogo min. La nedik takleklen i do ne Moroa it kis esogo midik mila neni ga raba dik mi Loroonan Kaala ren.

2 Jon 1:2

mila levelinga ruturun at ne Moroa i nemen keneng at lorooro atdik la naba nemen amisik eburu midik.