1 Jon 2:18 - Madak

¹⁸ Luvutnuruk orong. Levenaleng kavaxap at na lavatbung menemen ira rupot pam. Gano nemi miga ronga levelinga do laradi munepen ba rupot, la buaang atdi dira rupot pam. Kuren la nedik diraklen i do levenaleng kavaxap i rupot pam.

1 Jon 2:18 ပူးပေါင်းရင်းမြစ်များ

Metiu 24:11

la buaang lavaeme vapaase alii xaxarang dinaba vot la diba sar asoogong buaang limixin.

Metiu 24:24

Mila buaang nedi limixin babala diba lok do nedi mo lavanarong at ne Moroa la lavaeme vapaase alii ren; diba lok tempanga sangsangu kusu diba sar asoogong lavaanat soxolik at ne Moroa, mo do di epovo.

Metiu 24:5

mila buaang luvuttadi diba rupot mi laasen tarak la diba lok, ‘Nenia Lanarong!’ La diba sar asoogong buaang limixin mi laxalinga xaxarang atdi.

Lagale Lavavang At Ne Iesu Karisito Mak Ga Malagan I 13:6

mila buaang luvuttadi diba rupot mi laasen tarak la diba lok, ‘Nenia Lanarong!’ La diba sar asoogong buaang limixin mi laxalinga xaxarang atdi.

Lagale Lavavang At Ne Iesu Karisito Jon Ga Malagan I 21:5

Neni ga toro ridi xeretna, “Laxamdak. Kereva, mi sep ka tevenmat?” La diga vorang i rin keretna, “Kopmen.”

Lovoang At Ne Pol Ti Limixin Nunu to Rom 13:11

Mina lox epovo loklok at labalamu, atla nemi miklen loxonatat aleng sala nga i mo. Loxonaleng ira vot pam tinimi ri aus kaxat at lanunga, atla loxonaleng tidik ti roo suu, mo ira auret ta; gano at laaleng nedik diga nuunu kaxat avot teren ga vaxalom.

Lovoang At Ne Pol Ti Limixin Nunu to Rom 13:12

Noxo lox abao la lamain na xap, la laaleng kangking na vot ta. Mina xap ta at loklok laxampanga at lamain, la mina lok kaka levempanga esep ti esep at laaleng kangking.

Ibru 1:2

Ketla at na levenaleng melemu at lovotpot at ne Iesu, Moroa ira paase nga ridik limixin nuunu at lungusno ne Nitna. Neni ga soxolik ka i xusu naba ruuna ka levempanga axap, la keneng at ne Iesu, ne Moroa ga rudum li levempanga axap.

1 Pita 1:20

Avot ti luruntudum li at na lavatbung menemen, Moroa ga soxolik ka i xusu ri lok lugugu ren ganoxa la neni ga ravasu at na levenaleng kavaxap kusu ri lok tooro nemi.

1 Pita 1:5

La ne Moroa ik lok li i rinemi limixin mi ruuna lunuunu la neni ik lok tatao nemi mi lololos teren kusu ri loklox arooro, mo ne Moroa naba lox asuvos i at laxavaxap at na lavatbung menemen.

1 Pita 4:7

Laxavaxap at levempanga axap, mo nga i auret. Kuren la levendoxoma atnemi na xasep nunuan la mina lok tatao avukat levempatpas atnemi, kusu miba epovo na lok levesingising.

2 Pita 2:1

Luvuttadi vapaase alii xaxarang diga ravasu gano xeneng at limixin me Israel, la lavaeme loklox ase xaxarang bok, dinaba ravasu xa maxeneng atnemi. La dinaba lox abeles nemnem levenanasa xaxarang kusu ri lox asubu lunuunu atnimi. Dinaba sok tixirixes Leeme Silok mo ga un kaka amlong nedi, kuren la nedi xa dinaba ekip tangarang soso mi labaava.

2 Pita 3:3

Avot be, minaklen avukar i do, at levenaleng kavaxap teventaba tuvuttadi rongtonga xepe dinaba rupot, la dinaba mumu asu mun levendoxoma xapmek atdi xa. La nedi na luvuttadi, dinaba paase aksaksa rinemi.

1 Jon 2:22

Nege neni laradi vapaase xaxarang? Ni laradi i paase keretna, “Iesu neni kopmen Lanarong at ne Moroa.” Ni na laradi ik sok tixirixes kepe ne Temen dik eburu mi ne Nitna; kuren la neni laradi munepen at ne Moroa.

1 Jon 4:1

Larapen tangas orong tarak. Nemen gat mita rebeng alis soso levenanasa atnedi di tong i do di ruuna Loroonan Kaala; ketla mina viila mumu avot be levenanasa atdi do i sixit epovo mi levenanasa at ne Moroa. Mina lox i xuren atla buaang lavaeme vapaase xaxarang dit pas tangtagap at lengkot axap.

1 Jon 4:3

Ketla do tara kopmen na tong i do ne Iesu ga rupot boro at ne Moroa, neni kopmen at ne Moroa. Limixin kerepmo nedi luvuttadi munepen mi ne Iesu. Nemi miga ronga i do diba rupot la monga dira nemen pam at na lavatbung menemen.

2 Jon 1:7

Buaang nedi luvuttadi sosolo arup diga vas epeseves su uto at na lavatbung menemen. Mo limixin kopmen na tong asu i dola Iesu Karisito ga vot ngan laradi ruturun. Luvuttadi xerepmo nedi lavaanat sosolo arup, la di munepen mi ne Karisito.

Lovoang At Ne Jut 1:18

Diga paase rinimi xeretna, “At levenaleng kavaxap at na lavatbung menemen, limixin mo dinaba rupot la diba paase sese xapmek leventaangas nunuan at limixin nuunu. La diba mumu lavavara xapmek atdi mo xopmen na sixit emu mi lavavara at ne Moroa.”