1 Jon 2:17 - Madak

¹⁷ La na lavatkangka eburu mi leveloklok kakapmek teren, naba xap. Ketla laradi do i mumu asu lavavara at ne Moroa, neni naba rooro avolo.

1 Jon 2:17 ပူးပေါင်းရင်းမြစ်များ

Sam 102:26

Dinaba sonao, ketla nenu unaba nemen amisik; dinaba maut ngan lenbantamon. Unaba lu asu midi ngan lenbantamon, la dina sonao.

Sam 143:10

Nenu ne Moroa rak; una lox ase ia mi langas ti mumu asu lavavara ram. Unak lok luvukat tia, la una sasat ia pana at langas manmanton.

Sam 39:6

di lok ngan mun lamamaau. Levempanga axap, limixin dik lox i, naba ravasu gamasa mun; dipnovos li lempanga, ketla di xoklen i do nege naba ruuna ka i.

Sam 90:9

La lorooro atnema, nenu u tara korop atmur i mi mo lebelemamao ram; la i sonao ngan lavapaase siksikma.

Metiu 21:31

Ua lara atdu na ga lok lugugu ne temen du ga tong i?” La diga lok, “Mo lara avot.” Kuren la ne Iesu ga lok tidi, “A tong tuturun i rinimi do; luvuttadi loklok ka pilas la lavakin ngarangat mo dibam gomgo avot tinimi uto at Linintoo at ne Moroa.

Metiu 24:35

Laxalibet mi lavatbung menemen naba sonao, ketla levelinga rak noxo xap.”

Metiu 7:21

La ne Iesu ga lok bok tidi, “Limixin diba tong ia do Leeme Silok, Leeme Silok; ketla kopmen nedi axap diba beles at Linintoo no vana at laxalibet; nedi xusuk mun di mumu asu lavavara at ne Tamak, diba vubeles teren.

Lagale Lavavang At Ne Iesu Karisito Mak Ga Malagan I 3:35

Neni mun i mu asu lavavara at ne Moroa, neni netak kopla neinuk kopla ne naga.”

Lagale Lavavang At Ne Iesu Karisito Jon Ga Malagan I 4:14

Ket do tara na inin at laxadan nenia ana raba i min, neni noxo minu bok ba. I ruturun do laxadan nia ana raba i min naba lok ngan loxodan i puvut su xeneng at lorooro ren, la naba raba i mi lorooro avolo.”

Lagale Lavavang At Ne Iesu Karisito Jon Ga Malagan I 6:58

Anai ni lakde ga si boro vana at laxalibet; ixo lok ngan lakde, lavalabat atdik diga anan i, ketla melemu diga met. Do tara na anan at na lakde, neni naba rooro amisik.”

Lagale Lavavang At Ne Iesu Karisito Jon Ga Malagan I 7:17

Do tara i vara i do na lok levempanga ne Moroa i vara i, neni nabaklen kibis ka i do nenia a anasa mi levelinga boro at ne Moroa, kopla a paase aru mene nga ia mi lololos tarak.

Lovoang At Ne Pol Ti Limixin Nunu to Rom 12:2

Nemen gat mita reven seo at laxaloklok at na lavatbung menemen, ketla mina ke ne Moroa na lox ekun levendoxoma atnemi mi lodoxoma ren kusu miba ravasu ngan luvuttadi maxat at levempanga mik lox i, la minaba epovo ba xusu mina long lenget ka lodoxoma at ne Moroa ri levempanga i lox avukat la ik lox amomo i la ik mokso.

1 Korin 7:31

La nedi dik lox arangtang mi lempanga at na lorooro, dina xasep do nom loklok kopmen lavanga i silok aleng. Lavasuun at na levelinga rak keretna; leveloklok at na lavatbung menemen ik lok ningina naba xap asonao.

Kolosi 1:9

Maga ronga i nom, kuren la kopmen mana xap mi lisingising tinimi. Ma sing ne Moroa, kusu na suxa aumsu nimi mi lakleklen at lavavara ren, la kerepmo miba ruuna ka lodoxoma avukat keneng at lorooro atnimi, mo lodoxoma i ravasu boro at Loroonan Kaala.

Kolosi 4:12

Lavapaase momo rinimi boro at ne Epapras, lara at libinam tadi atnemi; neni lasaxaruki at ne Iesu Karisito. Neni i ngising lolos amisik tinemi, i ngising amisik ne Moroa ri lox alolos nemi kusu miba tu tuxuruxun keneng at lunuunu atnemi kerekngan limixin mukun la miba xasep aleng at lodoxoma at ne Moroa.

1 Tesalonia 4:3

Moroa i vara i do lorooro atnimi na xaala aleng. Mina ke xepe loklok ti elongka la loklok kakapmek maxamang at lixitkis epot.

1 Tesalonia 5:18

Mina tong avukat ti ne Moroa at levempanga axap. At lorooro atnemi mi nuunu at ne Iesu Karisito, mina lok na levempanga mila ne Moroa i vara i.

Ibru 10:36

Do mina suma levenmumuat at lorooro atnimi, mina tu lolos at lunuunu atnimi xusu minaba ruuna ka mo leveloklox anarong ne Moroa ga vaase alii min tidik, mo do mina mu asu lavavara ren.

Jems 4:14

Ketla levelinga keretnom kopmen na mokso, mila nemi mixoklen i do lorooro atnimi naba lok kereva kantamak. Nemi mi lok ngan mene lamantakabu, ik lok lixilik mun la ira sonao gamasa manga.

1 Pita 1:5

La ne Moroa ik lok li i rinemi limixin mi ruuna lunuunu la neni ik lok tatao nemi mi lololos teren kusu ri loklox arooro, mo ne Moroa naba lox asuvos i at laxavaxap at na lavatbung menemen.

1 Pita 4:2

Kuren la mina ke axap lorooro atnemi at na lavatbung menemen kusu mina mu asu lodoxoma at ne Moroa, la kopmen lavavara kapmek mun at luvuttadi at na lavatkangka.