1 Jon 2:11 - Madak

¹¹ Ketla do tara nak milik angtungun ti neton, neni i nemen keneng at lamain, la lavatpas teren at na lorooro xopok ik lok at lamain kerekngan laradi luxatli ren i main, la it pas tangtagap gamasa mila laxakapmek ik lok pe luxatli ren.

1 Jon 2:11 ပူးပေါင်းရင်းမြစ်များ

Lagale Lavavang At Ne Iesu Karisito Jon Ga Malagan I 12:35

Iesu ga vorang i ridi xeretna, “Laxasep at ne Moroa noxo nemen abao eburu minimi. At lavatpas atnimi at na lavatbung menemen, mina nemen at laxasep mila laxasep move i nemen eburu minimi, kusu laxakapmek noxo los kis pavaa nimi ngan lamain; mila lara do it pas at lamain ixokleklen i do neni it pas ua.

Lagale Lavavang At Ne Iesu Karisito Jon Ga Malagan I 12:40

“Moroa ira lox amain pam lengkatli atdi, la ira vipe vam levendoxoma atdi xusu lengkatli atdi noxo reven la levendoxoma atdi noxokleklen. La di noxo vosiga ia xusu nenia aba lox arooro di.” Ais 6:10

2 Korin 3:14

Levendoxoma atdi ga rebonot pe aleng, la ise at na levenaleng levendoxoma atdi move i repe mi levengkontata i kubak pe i, at loxonaleng di utus levenbuk at lekabus migomgo. Na loxontata i repes mun basinge laradi at loxonaleng neni i lok ka ne Karisito.

2 Korin 4:4

Dixo nuunu mila levendomdoma atdi, lomoroa at na lavatbung menemen iram tu kobot pe vam i. La neni i tu kobot pe mo laxasep at Lagale Lavavang kusu noxo soosoo axasep di, mo laxasep i susu boro at lisisixam at ne Karisito, neni lampenaxa at ne Moroa.

Taitas 3:3

Gano nedik limixin ta goxoklen lorooro avukat, ta goxo ronga res at levelinga at ne Moroa la levelinga bok at lavaeme silok. Satan ga xarang dik la tagara puse ri levempanga at na lavatbung menemen; la taga mumu mene nga lavavara atnedik. Lorooro atdik ga umsu mi laxakapmek mi levereven peves at lempanga at limixin petpes; la limixin diga musak dik la ta goxo epen avukat.

2 Pita 1:9

Ketla nege do ixo ruuna i na leveloklok nunuan, neni i lok ngan laxatli main no ixo epovo xusu neni na reven la ira domampe nga i do Moroa gara gos adadat pam i basinge laxakapmek teren me gano.

1 Jon 1:6

La mo do tara atdik na lok do it kis esogo mi ne Moroa, ketla lamain i umsu keneng at lorooro ren, neni laradi xaxarang la lorooro ren kopmen nak mokso la kopmen na sixit emu mi levelinga ruturun.

1 Jon 2:10

Do tara na balamu neton, neni i nemen keneng at laxasep la kopmen taxapmek nabak lok teren kusu na lox asak kikixin i.

1 Jon 2:9

Do tara na tong i do neni i nemen at laxasep, ketla neni ik milik angtungun ti neton, ni move i nemen keneng at lamain.

1 Jon 3:15

Do tara ik milik angtungun ti neton, neni i lok ngan laradi sepsev amet tadi, la atakleklen i do laradi sepsep amet tadi kopmen torooro avolo rin.

1 Jon 4:20

Do tara i lok dola i balamu ne Moroa ketla ik milik angtungun ti neton, ni laradi xaxarang; atla neni ixo epovo xusu ni na balamu ne Moroa no neni goxovisi ven tu ren do neni noxo balamu avot be neton ua neni ira ven tu vam teren.

Lisilimet 3:17

Nemi mi tong i do, ‘Nema mo map novos aleng la ma ruuna lempanga axap la maxok pakes bok ti tempanga.’ Ketla mixoklen i do nemi limixin etaba la mi baava. Nemi mi lok ngan limixin pakpakes, lengkatli atdi i main, la dik lok beleben.