Pol-ate kaapiya la vu hil bel-ate vu Lom 11:10 - Vakasin Moos

¹⁰ Tonde sil amend kanu dôôk in nambe sil-ame lanji taaku le, tonde ombayuuhin sil damind-ambe sil mando naambêênju danggata.”

Pol-ate kaapiya la vu hil bel-ate vu Lom 11:10 ပူးပေါင်းရင်းမြစ်များ

Pol-ate kaapiya la vu hil bel-ate vu Lom 1:21

In sil lalak Anutu ni, lemu sil-ame lako yi lak nambe yi Anutu le, de sil-ame kand vasa vu yi in va nivasa vasa pin sen navu vu sil-ato le. Nganjo sil akand navu sapa hôôk vakasin mali-malis amu, om sil akand ma be latu hil amend kanu.

Pol-ate kaapiya la vu hil bel-ate vu Lom 11:8

lohvu Anutu-te vakasin sen neep hôôk kaapiyaa-to nambe, “Anutu wiing-ambe sil alondpayo nimbaya nambe sen deep-ato, tonde wiing-ambe sil amend-ame lohvu nambe lanji va le, tonde sil nanyend-ame lohvu nambe gango vakasin e. Tombe yik yoo dando lôôt-ambe tok laam gêên-anjo.”

Epesas 4:18

In hil-anja ond dando hôôk mekanu, om sil-ame lalohvu nambe sahi vakasin-ambe lanjak dangga ni le. Anutu wiingin nambe biing-ambe sil mando metumin, le ma de yoo dando diin lôôt, in sil alondpayo nitambo in Anutu de me-lalak ni le,

2 Pita 2:17

Hil tatuhin vaha-sôônju ond sil lalohvu bel hatuusin osin bayiimb sen vavi jamba navêê-to, om Anutu samu taaku mekanu nipaya valok-ate be nando nanggin sil.

2 Pita 2:4

Bôôy sen angela-so vaalu lawiing va nipayaa-to ond Anutu me-ka pasiv in sil e, nganjo luus sil-ambe lalukala taaku nipaya. Yik duuh sil-ambe dando hôôk mekanuu-ju be mondanggin busin sen Anutu bu nyevahaan dukanaah hil pin-ate vakasin-ato.

Kaapiyaa-jo Jut kaavu 1:13

Sil oo dawiing va sen nimumin-atêêto, tombe sil lalohvu lôôy sen nayiis bopaata be nalôôt kaalekaale nalakalaam lonak-ato, tonde yik sil dando danjeen lohvu matam sen yoo nala danjeen vu yendak-ato. Om Anutu samu taaku mekanu vu sil in nambe sil mando danggata osin danggata.

Kaapiyaa-jo Jut kaavu 1:6

Tonde bôôy ond angela-so vaalu laving, yik laluuh damind vu silate kul anivasaa-to de lavuuh sil ambaand, om Anutu duuh sil ak hees aniwêêk danggata-te be dando hôôk taaku mekanu lôôt, be mondanggin busin bopaata sen Anutu sahi vakasin-ato.