Matai 4:13 - Vakasin Moos

¹³ tombe havuuh Nasaalet-ande la nando Kapenaum. Kapenaum-anju neep betum bop Galili nanyendangga vu taaku bop Sebulon ayuuh Naptaali,

Matai 4:13 ပူးပေါင်းရင်းမြစ်များ

Matai 11:23

De ham Kapenaum-anja, hamambe ham e gako ham jakana baandoni? Malis, ham e andukana taaku nipaya, in nambe saambiing taahu taahu osin niwêêk ngeeyaata vu Sodom naambe sen saawiing vu hamate taakuu-to, ond Sodom yoo le mando be gêên-anjo.

Matai 17:24

Latok lala Kapenaum, tombe hil sen dako taakis Anutu-te dumb bop-atêêto ond lala lalingin Pita nambe, “Mak hamate kaputung naate taakis dumb-ate having a?”

Matai 4:14

om Anutu-te vakasin sen Yesaia nêêl langaah bôôy-ato nôôn ak nambe,

Matai 4:15

“Taaku Sebulon ayuuh taaku Naptaali, tonde taaku sen neep betum nanyendangga osin taaku sen neep Yoladan vaalu, de Galili-te taaku sen hil vaalu lalaam dando hôôk-ato,

Matai 9:1

Yesu lakala kaanu be laah betum vaalu, tombe tok la baan,

Maak 1:21

Latok lala bayêên Kapenaum le mem Yuda-te busin sawaasin, tombe Yesu lukala dumb alo be wiing tanasin vu hil.

Maak 2:1

Busin heey lung la le mem Yesu laah Kapenaum yesin, tombe hil langoyin nambe nando baan.

Yesu Kalisi-te banye nivasa lohvu Luk kaavu 10:15

“De ham Kapenaum-anja, hamambe Anutu le gako ham jakana baandoni? Malis, ham e andukana taaku nipaya.”

Yesu Kalisi-te banye nivasa lohvu Luk kaavu 4:23

Tombe nêêl vu sil nambe, “Keen, ham navu naanêêl vakasin navu dangga ti bôôy vu sa naambe, ‘Dokta goo gambiing-ambe ganim vasa jak.’ Tonde ham e naanêêl gaving naambe, ‘Va sen hey hango gawiing vu Kapenaum-ato ond yik goo gambiing naambêênja vu gambaam dangga dosin-anjo gaving.’”

Yesu Kalisi-te banye nivasa lohvu Jon kaavu 2:12

Lung laa tonde Yesu yuuh tangganaan de halindin osin yite maanggêêm-aso be lala lato dando taaku Kapenaum busin heey.

Yesu Kalisi-te banye nivasa lohvu Jon kaavu 4:46

Tombe laah valup Kena Galili sen bôôy wiing bel-ambe tu wain-ato, tonde yêêv ti nandôô-ju noow anilak vu Kapenaum-ambe neep.

Yesu Kalisi-te banye nivasa lohvu Jon kaavu 6:17

tombe sil lalakala kaanu ti be lala in lana betum vaalu Kapenaum ani, tonde taaku bus la de Yesu me-la hato vu sil e.

Yesu Kalisi-te banye nivasa lohvu Jon kaavu 6:24

tombe sil layi le Yesu having yite maanggêêm-aso me-dandôô-ju le, om lalakala kaanuu-ju heey-ambe lala in salo Yesu vu Kapenaum.

Yesu Kalisi-te banye nivasa lohvu Jon kaavu 6:59

Vakasin-anjo Yesu nêêl hôôk sen monanêêl tanasin hôôk dumb alo vu Kapenaum-ato.