Matai 12:17 - Vakasin Moos

¹⁷ om Anutu-te vakasin sen Yesaia nêêl langaah bôôy-ato nôôn ak nambe,

Matai 12:17 ပူးပေါင်းရင်းမြစ်များ

Matai 12:16

Tonde Yesu vu kôôvu sil nambe me-daanêêl yi langaah e,

Matai 12:18

“Ham angge sate kul vaha, saaholin yi lung la tombe sahengg having yi lôôt, be sa longg anivasa vu yi. Sale gatung sate Vavi Vaambuung jakana yi, tombe le naanêêl sate vakasin keen vu hil vaalu sen sil-ame Yudaa-to le.

Matai 13:35

om Anutu-te vakasin sen omaaho ti nêêl langaah bôôy-ato nôôn ak nambe, “Sale naanêêl vakasin naatu vakasin pakwesin vu sil, de vakasin heey neep vunin vu bôôy sen Anutu hatung ngaanggis osin yendak-ato be tok laam gêên-anjo ond sale naanêêl langaah.”

Matai 21:4

Ke, lawiing nambêênjo om Anutu-te vakasin sen omaaho ti nêêl langaah bôôy-ato nôôn ak nambe,

Matai 8:17

Om nambêênju wiing Anutu-te vakasin ti sen Yesaia nêêl bôôy-ato nôôn ak nambe, “Yoo hako yate nilakin vêêl-ambe vu vêêl yate nivaane.”

Yesu Kalisi-te banye nivasa lohvu Luk kaavu 21:22

In busin-anju ond hil Yuda davu gako silate nipaya nyevahaan, in nambe Anutu-te vakasin pin sen yite hil kaavu bôôy-ato nôôn jak.

Yesu Kalisi-te banye nivasa lohvu Luk kaavu 24:44

le mem nêêl vu sil nambe, “Bôôy sen sa naahen nando having ham-ato, ond saanêêl vu ham nambe vakasin pin sen sil kaavu lak sa be neep hôôk Mose-te tanasin, de neep hôôk Anutu-te vakasin sen hil danêêl langaah bôôy-ato, de neep hôôk kaapiya Saam having-ato, ond le nôôn jak, om nôôn ak-anjo.”

Yesu Kalisi-te banye nivasa lohvu Jon kaavu 10:35

ond manyinja nêêl lak hil sen bôôy Anutu-te vakasin la vu sil-ato nambe sil anutu-so, de omaaho ti me-lohvu nambe kawiiy Anutu-te vakasin na le.

Yesu Kalisi-te banye nivasa lohvu Jon kaavu 12:38

in nambe Yesaia-te vakasin nôôn ak sen nêêl langaah nambe, “Omaaho Bop, laheey lawii-having heyate vakasin? De Omaaho Bop taato yite niwêêk vu lati?”

Yesu Kalisi-te banye nivasa lohvu Jon kaavu 19:28

Tombe mem Yesu lak ni nambe yite kul pin-ato lung la om nêêl nambe, “Sa longg bambôôv in bel.” Nêêl nambêênju in nambe vakasin sen neep hôôk Anutu-te kaapiyaa-to nôôn jak.

Sinaale 13:27

lemu hil sen dando Yelusalem osin silate yêêv bop-aso me-lalak Yesuu-ju dangga ni vanuh e, de yoo dasevin Anutu-te vakasin sen hil lanêêl langaah bôôy-ato nalak busin sawaasin pin, le ma de me-kand vu le. De lawiing vakasin ak yii-to, ond lawiing Anutu-te vakasin sen hil lanêêl langaah bôôy-ato nôôn ak,