Matai 11:10 - Vakasin Moos

¹⁰ Jon-anju ond Anutu nêêl yite vakasin munggin-ambe neep hôôk kaapiya nambe, ‘Onggango le, sa navu aambiing sate omaaho ti na naamunggin vu hong in samu gate mop.’

Matai 11:10 ပူးပေါင်းရင်းမြစ်များ

Matai 11:11

Sa naanêêl keen vu ham naambe Jon sen nalipis hil-ato ond savok hil pin sen taandin dako sil vu voon-anjôôto, lemu hil sen Anutu nanggin sil-ato vaalu haalend nipasiv lôôt, ond le savok Jon na.

Matai 11:3

tombe lalingin yi nambe, “Mak hong omaaho sen Jon nêêl banye nambe le naam-ato, me hey mongganggin omaaho ango le?”

Matai 3:3

Jon-anju ond yik Yesaia nêêl Anutu-te vakasin ti lak yi bôôy nambe, “Omaaho ti nateey vu taaku lumbalaamb nambe, ‘Ham samu Omaaho Bop-ate mop, ham galo yite mop nanjip nivalok.’”

Maak 1:2

ond Anutu-te omaaho Yesaia kaavu munggin nambe, “Anutu nêêl nambe, ‘Onggango le, sa navu aambiing sate omaaho ti na naamunggin vu hong in samu gate mop.’

Yesu Kalisi-te banye nivasa lohvu Luk kaavu 1:76

Tonde hong unoopasiv-anjo, ond hil e daanêêl hong naambe Anutu Baandoni-te omaaho sen nanêêl yite vakasin langaah-ato, in gale naamunggin in samu Omaaho Bop-ate mopaatôôv,

Yesu Kalisi-te banye nivasa lohvu Jon kaavu 1:23

Tombe Jon nêêl nambe, “De Yesaia nêêl bôôy-ato nambe, ‘Omaaho ti nateey vu taaku lumbalaamb nambe, “Ham samu Omaaho Bop-ate mop nanjip nivalok,” ’ ond yik saa-jo.”