Yesu Kalisi-te banye nivasa lohvu Luk kaavu 9:45 - Vakasin Moos

⁴⁵ Le vakasin-anjo dangga vun yi in maanggêêm-aso om sil doosin, tombe sil layêênin nambe me-lanjingin yi le.

Yesu Kalisi-te banye nivasa lohvu Luk kaavu 9:45 ပူးပေါင်းရင်းမြစ်များ

Matai 16:22

Tombe Pita hako Yesu be yuuh lala daale lundoos, le mem nêêl yi nambe, “Omaaho Bop, game naanêêl e. Va naambêênja me-le naatovu hong e.”

Matai 17:22

Yesu having yite maanggêêm-aso be sil ahondoos oo motatuuvu mop Galili, tombe nêêl vu sil nambe, “Le lambu Omaahonôôn Noow dukana hil namand,

Maak 9:10

Tombe yaal lawii-having lava, lemu yaal lalingin vu yaal nambe, “Peey e vakasin-anjo danggakook nambe vaati sen nambe kandi jak naah vu hil yimbin-ate?”

Maak 9:32

Le maanggêêm-aso doosin vakasin dangga om layêênin nambe me-lanjingin yi le.

Yesu Kalisi-te banye nivasa lohvu Luk kaavu 18:34

Le vakasin-anjo dangga vun yi, om maanggêêm-aso me-lalak ni daka le, sil doosin lôôt.

Yesu Kalisi-te banye nivasa lohvu Luk kaavu 2:50

Lemu yuuh doosin vakasin sen nêêl vu yuuh-anjuuto danggakook,

Yesu Kalisi-te banye nivasa lohvu Luk kaavu 9:46

Yesu-te maanggêêm-aso mondakaas in nambe sil ti tana tu lukook bop vu ango-so.

Yesu Kalisi-te banye nivasa lohvu Jon kaavu 12:16

Tombe yite maanggêêm-aso me-lalak vaa-jo dangga ni pavis e, le taamusin Yesu kandi lak-ambe haale tu bopaata lak lung la, le mem sil akand vu laah Anutu-te vakasin sen neep hôôk kaapiya munggin-ato, tombe mem lalak ni nambe lawiing vakasin-anjuuto nôôn ak lohvu.

Yesu Kalisi-te banye nivasa lohvu Jon kaavu 12:34

Tombe hil lanêêl laah vu nambe, “Hey hango tanasin neep hôôk Anutu-te kaapiya nambe omaaho sen Anutu yoo holin yi vulôôt in nambe dôôvu yiiy-ato ond le mando danggata, le nambe tana sen ganêêl nambe le gasi Omaahonôôn Noow jakana? Omaahonôôn Noow-anju lati?”

Yesu Kalisi-te banye nivasa lohvu Jon kaavu 14:5

Le Tomas nêêl vu nambe, “Omaaho Bop, gana tana? Hey doosin, om hey e anjak mopaatôôv-anja ni naambe va?”

Yesu Kalisi-te banye nivasa lohvu Jon kaavu 4:33

Tombe yite maanggêêm-aso yoo lanêêl vu sil nambe, “Mak omaaho ti hako vanôôn laam vu yi mava?”