Yesu Kalisi-te banye nivasa lohvu Luk kaavu 19:10 - Vakasin Moos

¹⁰ In Omaahonôôn Noow ond laam in nambe salo hil sen lala mend maa-to be gako sil lanom.”

Yesu Kalisi-te banye nivasa lohvu Luk kaavu 19:10 ပူးပေါင်းရင်းမြစ်များ

Matai 1:21

Tombe le gako noow moow ti, tombe gale naateey haale naambe Yesu, in dangga nambe le nôôh yite hil vêêl in silate va nipaya.”

Matai 10:6

ham oo ana vu hil Islel in sil lalohvu sipsip-ambe dala mend nama.

Matai 15:24

Tombe Yesu nêêl laah nambe, “Aamangg wiing-ambe sa laam in saandôôvu hil Islel amu sen sil lalohvu sipsip-ambe dala mend namaa-to.”

Matai 18:10

“Ham ganggin ham. Ham-ame angge unoopasiv ayuuh unaavepasiv-anjo naambe va malis e, ma. Sa naanêêl vu ham naambe silate angela-so vu baandoni danggin sil ond angela-so dayi Aamangg sen nando baandonii-to lak busin pin.

Matai 18:11

[In Omaahonôôn Noow lukalaam in nambe dôôvu hil sen mend maa-to.]

Yesu Kalisi-te banye nivasa lohvu Luk kaavu 15:32

om yalonggpayo nivasa be yiiy naapêêlis ond mem, in halim-anju yakangg vu nambe mak yimb bôôy, le ma de yoo nando moos. La mema, le ma de tok lo-valup.’”

Yesu Kalisi-te banye nivasa lohvu Luk kaavu 15:8

“Tonde vêêh ti yite mone kaalus nomaayuuh nando, le ti na menama, ond le taalungg hôôk lam-ambe dasêêh bayêên alo, tombe yoo mosalo nivasa lôôt-ambe naatokak.

Yesu Kalisi-te banye nivasa lohvu Jon kaavu 3:17

In Anutu me-wiing Noow laam voon in nambe bu nyevahaan dôôk omaahonôôn-ate nipaya le, malis, wiing yi laam in nambe dôôvu sil.

Pol-ate kaapiya la vu hil bel-ate vu Lom 5:6

In vu bôôy ond yame aalohvu nambe yaanôôh yiiy vêêl in yate va nipaya le, lemu hôôk busin sen Anutu yoo holin vulôôt-ato ond Kalisi yimb lukalaah yiiy sen yiiy haluuh damingg vu Anutuu-to yahenggbaan.

Hibluu-to 7:25

Om hil sen dawii-having Yesu be dalaam vu Anutuu-to ond yik Yesu yoo lohvu nambe gako sil pin landukanom vu Anutu bulôôt, be mem sil mando danggata, in yoo nando metumin danggata be mokataangg Anutu in nambe dôôvu sil.