Yesu Kalisi-te banye nivasa lohvu Jon kaavu 9:29 - Vakasin Moos

²⁹ in hey alak ni lung la nambe Mose ond Anutu vakaas having yi, lemu omaahôô-ju ond hey doosin yite danggakook.”

Yesu Kalisi-te banye nivasa lohvu Jon kaavu 9:29 ပူးပေါင်းရင်းမြစ်များ

Matai 12:24

Le Palisai-so lango tombe lanêêl nambe, “Mamu nipaya-te yêêv Belsebul vu niwêêk vu yi, ondeey natiiy mamu dala in omaahonôôn.”

Matai 26:61

be yuuh lanêêl nambe, “Hey hangoyin-ande omaahôô-ja nêêl nambe, ‘Saalohvu nambe sa kawiiy Anutu-te dumb vaambuung de nohvu busin yaal ond sa daav jesin naah.’”

Yesu Kalisi-te banye nivasa lohvu Luk kaavu 23:2

Tombe lanêêl vakasin ak Yesu nambe, “Hey aatovu omaahôô-ja de naanjiihin heyate hil in nambe sil gavuuh heyate yêêv-aso na osin nanêêlin hey nambe hey-ame gaate taakis na vu yêêv bop Sisa le, tonde nanêêl nambe yi omaaho lulemak ti sen Anutu yoo holin yi vulôôt-ato.”

Yesu Kalisi-te banye nivasa lohvu Jon kaavu 1:17

De Mose vu Anutu-te tanasin vu yiiy, lemu samu samu osin vakasin keen ond Yesu Kalisi hako laam.

Yesu Kalisi-te banye nivasa lohvu Jon kaavu 7:27

Lemu omaahôô-ju yalak yite danggakook ani nambe vu voon, nganjo omaaho sen Anutu yoo holin yi vulôôt-ato naam ond yiiy pin e doosin yite dangga.”

Yesu Kalisi-te banye nivasa lohvu Jon kaavu 7:28

Om Yesu nêêl tanasin hôôk Anutu-te dumb bop alo be nêêl osin niwêêk nambe, “Ke, ham alak sa ningg-ambe ham alak sate danggakook ani keen a? Lemu same yoo alaam lohvu sa kangg e, omaaho sen wiing sa laam-ato yi omaaho vakasin keen, lemu ham doosin yi.

Yesu Kalisi-te banye nivasa lohvu Jon kaavu 8:14

Le Yesu nêêl laah vu sil nambe, “Ôôye, soo navu tatekin sate danggakook, lemu sa naanêêl vakasin keen, in dangga nambe taaku sen sa nando be sa laam-ato ond sa lak ni. Tonde taaku sen sale anaah-ato ond yik sa lak ni having, lemu ham ond ham doosin taaku sen sa nando be sa laam-ato, de yik ham doosin taaku sen sale anaah-ato having.

Yesu Kalisi-te banye nivasa lohvu Jon kaavu 9:16

Tombe Palisai heey lanêêl nambe, “Omaahôô-ju nawiing busin sawaasin paya, om Anutu me-wiing yi laam e.” Lemu sil vaalu lanêêl nambe, “Omaaho nipaya ti ond me-lohvu nambe biing taahu taahu osin niwêêk naambêênju le.” Tombe sil laasuh sil la lu yuuh.

Yesu Kalisi-te banye nivasa lohvu Jon kaavu 9:24

Om lateey omaaho sen bôôy mekanuu-to balon ango yesin-ambe lanêêl vu nambe, “Onggako Anutu haale jak, in omaahôô-ju ond hey alak ni nambe omaaho nipaya.”

Yesu Kalisi-te banye nivasa lohvu Jon kaavu 9:30

Le omaahôô-juuto nêêl laah vu sil nambe, “Nambe vaatii-jo, ham doosin yite danggakook, lemu wiing-ambe sa mengg tum.

Sinaale 22:22

Hil Yuda lango Pol-ate vakasin-anju tombe lateey bopaata nambe, “Ham anyiis-ambe jimb. Hil nambêênja me-mando metumin e.”

Sinaale 26:22

le ma de Anutu hôôvu sa be tok laam gêên-anjo, om sen sa naalêê-jo de sa naanêêl vakasin vu hil mali-malis pin osin vu himbop-aso having. De vakasin sen sa naanêêl-ato ond yik vakasin timu sen bôôy Anutu-te hil vaalu laving Mose be lanêêl nambe le nôôn jak-ato,

Sinaale 7:35

“Mosêê-jo ond bôôy sil mahôôh yi nambe, ‘Lati hatung hong in nambe onaatu yêêv-ambe ongganggin hey?’ Ond omaahôô-ju Anutu wiing angela la hato vu yi hôôk haah aniyin alôô-to, tombe angela wiing-ambe la lohvu yêêv bop osin omaaho sen dôôvu hil-ato.

Hibluu-to 1:1

Vu bôôy ond Anutu nêêl vakasin ngeeyaata vu hil sen danêêl yite vakasin langaah-ato lak mopaatôôv vaha vaha be lanêêl vu yate himbop-aso bôôy,

Hibluu-to 1:2

le sim busin taamusin sen gêên-anjo tombe Anutu yoo vu vakasin vu Noow-ambe nêêl langaah vu yiiy. Yik Noow-anju sen Anutu nêêl-ambe yoo hatung yendak osin ngaanggis pin, tombe holin yi be mem vu va baandoni osin voon pin lukala nama.