Yesu Kalisi-te banye nivasa lohvu Jon kaavu 7:30 - Vakasin Moos

³⁰ Tombe hil lawiingin nambe lanôôh yi lemu yite busin naahen, om omaaho ti me-lôôh nama lak yi le, malis.

Yesu Kalisi-te banye nivasa lohvu Jon kaavu 7:30 ပူးပေါင်းရင်းမြစ်များ

Matai 12:14

Le ma de hil Palisai lala lasupin-ambe sil salo mopaatôôv in nambe lanyiis Yesu be jimb.

Matai 21:46

om lawiingin nambe lanôôh yi, le ma de layêênin hil ngeeyaataa-ju, in kand navu nambe Yesu nanêêl Anutu-te vakasin langaah.

Maak 11:18

Tombe kul vaha sen datung salivangin-ato silate yêêv-aso osin tanasin dangga-so langoyin-ambe davu salo mop in nambe lanyiis Yesu be jimb, lemu layêênin yi, in hil pin lavindis in yite tanasin.

Yesu Kalisi-te banye nivasa lohvu Luk kaavu 20:19

Tanasin dangga-so osin kul vaha sen datung salivangin-ato silate yêêv-aso lalak ni nambe Yesu nêêl vakasin pakwesin tii-jo lak sil, om sil salo mop in nambe lanôôh yi pavis, le ma de layêênin hil.

Yesu Kalisi-te banye nivasa lohvu Luk kaavu 22:53

Sa nando having ham hôôk Anutu-te dumb bop alo lak busin pin, le ma de ham-ame namam nalak sa le, lemu hamate busin sen ham anôôh saa-to osin busin sen mekanu-te niwêêk neep-ato ond gêên-anjo.”

Yesu Kalisi-te banye nivasa lohvu Jon kaavu 10:31

Tombe hil Yuda lalôôh tatuuh ak laah in nambe tanga yi be jimb,

Yesu Kalisi-te banye nivasa lohvu Jon kaavu 10:39

Tombe lawiingin nambe lanôôh yi, le ma de hato be la.

Yesu Kalisi-te banye nivasa lohvu Jon kaavu 11:57

Tombe yêêv-aso salivangin-ate laving hil Palisai lanêêl nambe omaaho ti lak ni nambe Yesu nando tana, ond naanêêl banye langaah in lanôôh yi.

Yesu Kalisi-te banye nivasa lohvu Jon kaavu 7:19

Mose vu tanasin nomaayuuh vu ham bôôy-ato, lemu ham-anja ti me-navu samu tanasin-anju le. Nambe tana sen ham nawiingin nambe anyiis sa be saanggimb?”

Yesu Kalisi-te banye nivasa lohvu Jon kaavu 7:32

Tombe hil Palisai lango de hil davu pataalang vakasin-anju lak Yesu, om kul vaha sen datung salivangin-ato silate yêêv-aso osin hil Palisai lawiing silate ahevaavu-so heey lala in nambe lanôôh Yesu.

Yesu Kalisi-te banye nivasa lohvu Jon kaavu 7:6

Tombe Yesu nêêl vu sil nambe, “Sate busin naahen, nganjo busin pin-anjo ham oote,

Yesu Kalisi-te banye nivasa lohvu Jon kaavu 7:8

Om ham oo ana balu-angge busin bop-anju, nganjo sak same le ana aangge busin bop-anju gaving e, in sate busin naahen.”

Yesu Kalisi-te banye nivasa lohvu Jon kaavu 8:20

Yesu nêêl vakasin-anjo ond monanêêl tanasin hôôk Anutu-te dumb alo ti sen hil datung salivangin hôôk-ato, lemu vaheey-ame lalôôh yi le, in yite busin oo naahen.

Yesu Kalisi-te banye nivasa lohvu Jon kaavu 8:37

De sa lak ni nambe Abalaam-ate hil vu taamusin ham, le ma de ham awiingin nambe anyiis sa be saanggimb, in sate vakasin-ame lukala ham alompayo le.

Yesu Kalisi-te banye nivasa lohvu Jon kaavu 8:59

Tombe sil lalôôh tatuuh ak in nambe lanyiis Yesu be jimb, le ma de Yesu hôôpis, tonde havuuh Anutu-te dumb bop-ambe hato la voon.

Yesu Kalisi-te banye nivasa lohvu Jon kaavu 9:4

Om yaambiing omaaho sen wiing sa laam-ato yite kul pavis hôôk langaah, in busin dôôk ond yame aalohvu nambe yaambiing kul e.