Yesu Kalisi-te banye nivasa lohvu Jon kaavu 17:12 - Vakasin Moos

¹² De sa nando having sil-ato ond sa nanggin sil lak gate niwêêk sen gavu vu saa-to. Soo nanggin sil nivasa de sil ti me-la mema le, yik omaaho timu sen navu gako nyevahaan-ambe na menamaa-to ond yoo timu le na menama valok-ate, in nambe vakasin sen neep hôôk gate kaapiyaa-to nôôn jak.

Yesu Kalisi-te banye nivasa lohvu Jon kaavu 17:12 ပူးပေါင်းရင်းမြစ်များ

Yesu Kalisi-te banye nivasa lohvu Jon kaavu 13:18

Lemu same aanêêl lak ham pin e. Ham sen saaholin ham-ambe ham atu sate vaa-to ond sa lak ham anim lung la, lemu vakasin sen neep hôôk Anutu-te kaapiyaa-to yoo le nôôn jak, in vakasin-anju nêêl nambe, ‘Omaaho sen naya vanôôn having saa-to vêêl vaha lak in nambe baake sa.’

Yesu Kalisi-te banye nivasa lohvu Jon kaavu 17:6

“Saanêêl gate dangga langaah lung la vu hil sen gavu sil vu sa vu voon-ato. Goo gate sil, lemu gavu sil vu sa lung la, tombe sil davu taamuyin gate vakasin,

Yesu Kalisi-te banye nivasa lohvu Jon kaavu 18:9

Nêêl nambêênju in yite vakasin sen nêêl lung laa-to nôôn jak naambe, “Sil sen gavu sil vu saa-to ond sil ti me-la mema le.”

Yesu Kalisi-te banye nivasa lohvu Jon kaavu 6:37

De omaahonôôn pin sen Aamangg vu vu saa-to ond le lanaam vu sa, tonde omaaho ti naam vu sa ond same le gatiiy yi na le, malis.

Sinaale 1:25

in nambe gako kul sinaale sen Yudas havuuh neep-ande la valok-atêêto.”

Pilipai 2:9

ondeey Anutu hako yi lak baandoni lôôt-ambe teey haale sen kaluuh haale vaalu pin-ato lak yi.

2 Tesalonika 2:3

Om ham ganggin ham in hil vaalu me-tatuhin ham in vati le. In busin-anju me-le naam pavis e, de hil pin e ahend kalin-ambe galuuh damind vu Anutu naamunggin, osin omaaho kalêêsin danggakook e taato yi naam langaah. Omaahôô-ju le gako nipaya valok-ate.

Hibluu-to 2:13

De yik nêêl ango laah nambe, “Sa longgpayo le na timu vu Anutu keen.” Tonde sim nêêl ti laah nambe, “Angge, sa de sate unoopasiv-aso sen Anutu vu vu saa-to nganjo.”

1 Jon 2:19

Hil-anju lavuuh yiiy, lemu yame yate hil sil e. Nambe yate hil sil ond sil e mando gaving yiiy, le ma de sil lavuuh yiiy, ond taato nambe sil pin ond yame yate hil sil e.

Taato Langaah 19:12

Mekaalus lohvu kin mala, tonde laanggin lulemak-ate taambuuh ngeeyaata lakando lu, de sil kaavu haale neep ak yi, ond yoo timu lak haalêê-ju ni de hil vaaluk ma.