Yesu Kalisi-te banye nivasa lohvu Jon kaavu 15:20 - Vakasin Moos

²⁰ Tonde ham akam bu vakasin sen saanêêl vu ham nambe kul vaha me-savok yite yêêv-ato le, om sen hil voon dawiing nindanjeen vu sa ond le lambiing nindanjeen vu ham gaving. Nambe sil taamuyin sate vakasin ond sil e taamuyin hamate vakasin gaving.

Yesu Kalisi-te banye nivasa lohvu Jon kaavu 15:20 ပူးပေါင်းရင်းမြစ်များ

Matai 10:24

“Unoopasiv-ame savok yite kaputung e, de kul vaha me-savok yite yêêv e.

Maak 10:39

Le yuuh lanêêl vu nambe, “De. Haay aalohvu.” Tombe Yesu nêêl vu yuuh nambe, “Nimeen sen sa navu baakuu-to ond male baaku, de nivaane sen sa navu gakôô-to ond male gako,

Yesu Kalisi-te banye nivasa lohvu Luk kaavu 2:34

Tonde Simeon lohak yaal-ande nêêl vu Yesu tangganaan Malia nambe, “Angge, unoopasiv-anjo ond Anutu holin in nambe biing-ambe Islel ngeeyaata landupake, de biing-ambe hil ngeeyaata kandi jak. Tonde le taato Anutu-te va vu hil, le hil ngeeyaata le daanêêl vakasin anipaya jak yi,

Yesu Kalisi-te banye nivasa lohvu Luk kaavu 6:40

Unoopasiv-ame savok yite kaputung e, nganjo kaputung taahu hôôk va pin-ambe jung na le, mem le nohvu yite kaputung.

Yesu Kalisi-te banye nivasa lohvu Jon kaavu 10:31

Tombe hil Yuda lalôôh tatuuh ak laah in nambe tanga yi be jimb,

Yesu Kalisi-te banye nivasa lohvu Jon kaavu 11:57

Tombe yêêv-aso salivangin-ate laving hil Palisai lanêêl nambe omaaho ti lak ni nambe Yesu nando tana, ond naanêêl banye langaah in lanôôh yi.

Yesu Kalisi-te banye nivasa lohvu Jon kaavu 13:16

Om sa naanêêl keen lôôt vu ham naambe kul vaha me-savok yite yêêv e, tonde omaaho ti nêêl-ambe ango la nawiing kul ti, ond me-savok ango sen nêêl-ambe laa-juuto le.

Yesu Kalisi-te banye nivasa lohvu Jon kaavu 5:16

Om hil Yuda mondawiing nindanjeen vu Yesu in nawiing va nambêênju hôôk busin sawaasin.

Yesu Kalisi-te banye nivasa lohvu Jon kaavu 7:32

Tombe hil Palisai lango de hil davu pataalang vakasin-anju lak Yesu, om kul vaha sen datung salivangin-ato silate yêêv-aso osin hil Palisai lawiing silate ahevaavu-so heey lala in nambe lanôôh Yesu.

Yesu Kalisi-te banye nivasa lohvu Jon kaavu 8:51

Om sa naanêêl keen vu ham naambe omaaho ti nambe samu sate vakasin nivasa ond me-le jimb-ambe na valok-ate le.”

Yesu Kalisi-te banye nivasa lohvu Jon kaavu 8:52

Tombe hil Yuda lanêêl vu nambe, “Gêên hey alak ni nambe mamu nipaya hôôvu hong, in Abalaam having hil vaalu sen danêêl Anutu-te vakasin langaah-ato ond layimb lung la, lemu ganêêl nambe omaaho ti samu gate vakasin nivasa ond me-le jimb-ambe na valok-ate le.

Yesu Kalisi-te banye nivasa lohvu Jon kaavu 8:59

Tombe sil lalôôh tatuuh ak in nambe lanyiis Yesu be jimb, le ma de Yesu hôôpis, tonde havuuh Anutu-te dumb bop-ambe hato la voon.

Sinaale 14:22

Tombe yuuh kaandu Yesu-te hil niwêêk lôôt nambe, “Ham awii-having om ham oo baale niwêêk, in yaawiingin nambe yana Anutu-te taaku ond yiiy baaku nimeen pin naamunggin e mem.”

1 Kolint 4:12

Yik hey namangg oo monawiing kul bop in dôôvu hey. Tonde hil danêêl hey pale le hey naalohak la vu Anutu in nambe samu sil, de dawiing nindanjeen vu hey, le ma de hey naahe sil amu.

2 Kolint 4:9

De omaahonôôn datiiy hey, le ma de Anutu me-havuuh hey e, tonde layiis hey-ambe hey aalupake be naahop voon, le ma de hey-ame aahimb e.

1 Tesalonika 2:15

Tonde yik hil Yudiaa-ju sen silate hil layiis Omaaho Bop Yesu osin hil sen danêêl Anutu-te vakasin langaah-ambe layimb-ato, ond yik hil Yudiaa-ju lawiing nindanjeen vu hey having, tonde sil oo davu sapa hôôk mopaatôôv sen Anutu nimbaya in-ato, tombe sil dayi omaahonôôn pin paya.

2 Timoti 3:12

Keen, hil pin sen lawiingin nambe lanjalak Yesu Kalisi be lambiing va sapa Anutu kaa-to, ond omaahonôôn e lambiing nindanjeen vu sil.