Yesu Kalisi-te banye nivasa lohvu Jon kaavu 12:16 - Vakasin Moos

¹⁶ Tombe yite maanggêêm-aso me-lalak vaa-jo dangga ni pavis e, le taamusin Yesu kandi lak-ambe haale tu bopaata lak lung la, le mem sil akand vu laah Anutu-te vakasin sen neep hôôk kaapiya munggin-ato, tombe mem lalak ni nambe lawiing vakasin-anjuuto nôôn ak lohvu.

Yesu Kalisi-te banye nivasa lohvu Jon kaavu 12:16 ပူးပေါင်းရင်းမြစ်များ

Maak 16:19

Omaaho Bop Yesu vakaas having sil lung la, tonde Anutu hako yi be la nando nama vasa having yi vu baandoni in taato naambe tu yêêv bop.

Maak 9:32

Le maanggêêm-aso doosin vakasin dangga om layêênin nambe me-lanjingin yi le.

Yesu Kalisi-te banye nivasa lohvu Luk kaavu 18:34

Le vakasin-anjo dangga vun yi, om maanggêêm-aso me-lalak ni daka le, sil doosin lôôt.

Yesu Kalisi-te banye nivasa lohvu Luk kaavu 24:25

Tombe Yesu nêêl vu yuuh nambe, “De malumkook-ame nawiing kul e? Mame awii-having vakasin pin sen Anutu-te hil lanêêl langaah bôôy-ato le.

Yesu Kalisi-te banye nivasa lohvu Luk kaavu 24:45

Tombe mem Yesu wiing-ambe sil lalak Anutu-te vakasin dangga ni.

Yesu Kalisi-te banye nivasa lohvu Luk kaavu 9:45

Le vakasin-anjo dangga vun yi in maanggêêm-aso om sil doosin, tombe sil layêênin nambe me-lanjingin yi le.

Yesu Kalisi-te banye nivasa lohvu Jon kaavu 12:23

Tombe Yesu nêêl laah vu yuuh nambe, “Busin tok laam lung laa-jo in nambe Omaahonôôn Noow navu gako haale bop.

Yesu Kalisi-te banye nivasa lohvu Jon kaavu 14:26

lemu omaaho sen dôôvu ham keen-ato ond Vavi Vaambuung sen Aamangg e biing nom ak sa haalengg-ato, ond le taahu ham hôôk va pin osin bêêl ham akam jak in va pin sen saanêêl vu ham-anjôôto.

Yesu Kalisi-te banye nivasa lohvu Jon kaavu 16:4

om saanêêl vakasin-anja vu ham lung la in nambe taamusin vaa-jo naatok, ond ham akam bu vakasin sen saanêêl vu ham-ato jesin naah.” “Same aanêêl vakasin-anjo vu ham bôôy e, in sa nando having ham,

Yesu Kalisi-te banye nivasa lohvu Jon kaavu 17:5

O Aamangg, onggako sa haalengg ak naah naambe sen vu munggin ngaanggis ma de sa nando having hong-ato.

Yesu Kalisi-te banye nivasa lohvu Jon kaavu 2:22

om vu taamusin sen Anutu wiing-ambe Yesu kandi lak vu hil yimbin-atêêto ond Yesu-te maanggêêm-aso kand vu vakasin sen Yesu nêêl ak dumb-anjuuto laah, om lawii-having Anutu-te vakasin sen kaavu neep hôôk kaapiyaa-to osin vakasin sen Yesu yoo nêêl-ato nambe vakasin nôôn keen.

Yesu Kalisi-te banye nivasa lohvu Jon kaavu 7:39

Vakasin-anjo Yesu nêêl lak Vavi Vaambuung sen navu bu naam vu hil sen londpayo la timu vu yii-to, le busin naahen om Vavi Vaambuung-ame lukalaam e, in Yesu me-kandi lak-ambe haale tu bop ak e de naahen.

Sinaale 2:33

Om gêên Anutu hako lakalaah baandoni be la nando nama vasa lung la, de wiing Vavi Vaambuung sen Mangganaan nêêl vu yii-to lom-ambe Vavi Vaambuung yoo wiing va sen ham nahe osin ham nangôô-to.

Sinaale 2:36

“Om ham Islel pin ond yanjak ni vanuh naambe Yesuu-jo sen ham ayiis ak haah pakôô-to, ond Anutu wiing-ambe tu Omaaho Bop osin omaaho sen Anutu yoo holin yi vulôôt in nambe dôôvu yiiy-ato.”

Sinaale 3:13

Anutu sen tu Abalaam ayuuh Isak-ande Yaakop osin yate himbop-aso bôôy pin silate Anutuu-to, ond hako yite kul vaha Yesu haale lak. Yesuu-ja sen ham avu lukala Pilata nama be wiingin nambe kavaayin vu ham, le ma de ham haluuh damim vu yi hôôk Pilata me,

Hibluu-to 12:2

Yik yamengg oo na nivalok vu Yesu sen yoo nawiing-ambe yiiy naawii-having yii-to, tombe yoo le biing-ambe yaanyiis nôôn anivasa keen. In bôôy ond Yesu yoo ka vu nambe taamusin e le ka vasa lôôt, om yik yoo puvu yi hôôn-ambe vaaku nimeen, tombe yimb ak haah pako de me-yêênin haah pako-te nimumin e, om gêên la nando Anutu nama vasa having yi.

Hibluu-to 8:1

Vakasin sen yiiy naanêêl-anjo ond nôôn nambe yate yêêv bop salivangin-atêênju la nando Anutu nama vasa having yi vu baandoni lung la.