2 Pita 1:17 - Vakasin Moos

¹⁷ In busin sen Mangganaan Anutu hako yi lak-ambe vu nikaapulis vu yii-to, ond Anutuu-ju Omaaho Nikaapulis danggakook lava laam vu yi nambe, “Sa noongg-anja, sahengg having yi lôôt, osin sahengg anivasa vu yi.”

2 Pita 1:17 ပူးပေါင်းရင်းမြစ်များ

Matai 12:18

“Ham angge sate kul vaha, saaholin yi lung la tombe sahengg having yi lôôt, be sa longg anivasa vu yi. Sale gatung sate Vavi Vaambuung jakana yi, tombe le naanêêl sate vakasin keen vu hil vaalu sen sil-ame Yudaa-to le.

Matai 17:3

Tombe sim yaal layi de Mose yuuh Eliya daale dakaas having Yesu,

Matai 17:5

Naahen nanêêl atonde layi de bayiimb ti têêlang lôôt-ambe vayum sil, tombe lava ti laam hôôk bayiimb-anju lopayo nambe, “Sa Noongg-anja. Sahengg having yi lôôt osin sahengg anivasa vu yi, om ham gango lava.”

Matai 28:19

om ham ana ambiing-ambe hil pin daatu sate hil, tombe ham anjipis sil jak Mangganaan ayuuh Noow-ande Vavi Vaambuung haalend,

Matai 3:17

Tonde lava ti vu baandoni ond nêêl nambe, “Manyinja sa noongg-anja be sahengg having yi lôôt osin sahengg anivasa vu yi.”

Maak 1:11

Tombe lava ti laam vu baandoni nambe, “Sa noongg hong. Sahengg having hong lôôt osin sahengg anivasa vu hong.”

Maak 9:7

Tombe sim bayiimb ti vayum sil, tonde lava ti laam hôôk bayiimb-anju lopayo nambe, “Sa noongg-anja. Sahengg having yi lôôt om ham gango lava.”

Yesu Kalisi-te banye nivasa lohvu Luk kaavu 10:22

Yesu lohak lung atonde nêêl vu sil nambe, “Aamangg vu va pin lukala sa namangg lung la, de omaaho ti me-lak Noow ani le, Mangganaan timu yoo lak ni. De omaaho ti me-lak Mangganaan ani le, Noow oo lak ni, de hil sen Noow navu tatekin Mangganaan vu sil-ato ond mem lalak Mangganaan ani having.”

Yesu Kalisi-te banye nivasa lohvu Luk kaavu 3:22

tonde Vavi Vaambuung ani nambe manak tumbaliiy-ambe hato lakando yi, tonde lava ti laam vu baandoni nambe, “Sa Noongg hong. Sahengg having hong osin sahengg anivasa vu hong.”

Yesu Kalisi-te banye nivasa lohvu Jon kaavu 10:15

nambe sen Mangg lak sa ningg, de sa lak Mangg ani. Om soo naavu sa la doos in nambe saanggimb ak sipsip-aso.

Yesu Kalisi-te banye nivasa lohvu Jon kaavu 10:36

De sak Mangg oo holin sa be wiing sa be sa laam voon, tombe saanêêl nambe Anutu Noow sa, le nambe tana sen ham anêêl nambe saanêêl Anutu pale?

Yesu Kalisi-te banye nivasa lohvu Jon kaavu 14:11

Ham ambiing gaving vakasin-anjo naambe sa nando hôôk Mangg de Mangg nando hôôk sa, le naambe nama ond ham akam bu kul pin sen sa naawiing-ato be ham ambiing gaving sa jak vaa-ja.

Yesu Kalisi-te banye nivasa lohvu Jon kaavu 14:6

Tombe Yesu nêêl vu nambe, “Mopaatôôv sa, de vakasin keen sa, osin metumin danggakook sa. Omaaho ti me-le noh mop ango be na vu Aamangg e, malis, yik mopaatôôv sa timu.

Yesu Kalisi-te banye nivasa lohvu Jon kaavu 17:21

“O Aamangg, gambiing-ambe sil pin mando javuh ti naambe sen onando hôôk sa de sa nando hôôk hong-ato, tombe yik sil mando hôôk hoow, in hil voon lambiing gaving naambe gawiing sa be sa laam.

Yesu Kalisi-te banye nivasa lohvu Jon kaavu 20:17

Le Yesu nêêl vu nambe, “Game naapuvu sa le, in same alak-ambe sala vu sate Aamangg e, naahen. Lemu ganaah-ambe onaanêêl vu sa halingg-aso naambe sa jak-ambe sa naah vu Aamangg sen sate Mangg-ande hamate Mom, yik sate Anutu de hamate Anutu.”

Yesu Kalisi-te banye nivasa lohvu Jon kaavu 3:35

De Mangganaan oo ahe having Noow, tombe vu va pin lukala Noow nama.

Yesu Kalisi-te banye nivasa lohvu Jon kaavu 5:20

In nambe Mangganaan ahe naving Noow-ambe navu taato va pin sen yoo nawiing-ato vu, tonde le taato kul bopaata heey savok sen-anjo na, tombe ham oo le ambindis lôôt.

Yesu Kalisi-te banye nivasa lohvu Jon kaavu 5:26

In metumin danggakook neep vu Mangganaan, ond yik wiing-ambe metumin danggakook neep vu Noow having.

Yesu Kalisi-te banye nivasa lohvu Jon kaavu 6:27

Ham-ame ambiing kul in gako vanôôn sen le na menamaa-jo le, malis, ham ambiing kul in gako vanôôn nôôn keen sen le mando danggataa-to. Vanôôn-anjo Omaahonôôn Noow e bu vu ham, in Mangganaan Anutu yoo taato yi langaah lung la in nambe biing kul-anjo.”

Yesu Kalisi-te banye nivasa lohvu Jon kaavu 6:37

De omaahonôôn pin sen Aamangg vu vu saa-to ond le lanaam vu sa, tonde omaaho ti naam vu sa ond same le gatiiy yi na le, malis.

Yesu Kalisi-te banye nivasa lohvu Jon kaavu 6:39

De omaaho sen wiing sa laam-anjo yite ka nambêênjo nambe omaahonôôn sen vu vu sa lung laa-to, ond same gavuuh ti be na menama le, malis, soo aambiing-ambe sil pin kandi jak vu busin taamusin.

Pol-ate kaapiya la vu hil bel-ate vu Lom 15:6

in nambe ham alompayo osin ham lavam javuh ti de ham gako yate Omaaho Bop Yesu Kalisi-te Mangganaan Anutu haale jak.

2 Kolint 1:3

Yiiy gako yate Omaaho Bop Yesu Kalisi Mangganaan Anutu haale jak, in Anutu omaaho ka pasiv osin yi omaaho samu samu danggakook.

2 Kolint 11:31

Tombe Omaaho Bop Yesu Mangganaan Anutu sen haale bopaata neep danggataa-to lak ni nambe same navu tatuhin e.

Hibluu-to 1:3

Yik yii-ju Anutu-te melangaah nikaapulis-ate, tombe yik ni nambe Anutu keen-ato, de yoo navu kaandu va pin sen hatung-ato lak yite vakasin aniwêêk. Yoo kawiiy hil-ate nipaya lung la, de laah nando having Anutu sen niwêêk danggakook-ato ond nando nama vasa having yi vu baandoni.

2 Jon 1:3

Aamangg Anutu yuuh Noow Yesu Kalisi le lambiing-ambe yuuhate samu osin ka pasiv naam mando gaving yiiy-ambe yalonggpayo nanjip melass, tombe yiiy mando lak vakasin keen osin ahe havingin.

Kaapiyaa-jo Jut kaavu 1:1

Sa Jut, Yesu Kalisi-te omaaho kul ti sa, de Jems hali sa, ond sa kaavu kaapiyaa-jo laas vu ham sen Aamangg Anutu teey ham-ambe ahe naving ham osin Yesu Kalisi nanggin ham-ato.