Zekaria 9:5 - Motingʼo Loko Manyien

⁵ Ashkelon biro neno mi oluor; piny Gaza kod Ekron biro yware e masira, nikech geno margi biro rumo. Ruodh Gaza biro tho kendo dala mar Ashkelon biro dongʼ gunda.

MUMA MALER 2015

⁵ Ka dala Ashkelon oneno kamano, to biro bedo maluor. Gaza bende kihondko biro mako, mi geno mane Ekron nigo rum. Ruodhi mag Gaza biro lal nono, bende Ashkelon nodong’ nono maonge ji modakie,

Zekaria 9:5 ပူးပေါင်းရင်းမြစ်များ

Isaya 14:28

Wachni nofwenyore e higa mane ruoth Ahaz othoe.

Jeremia 47:1

Ma e wach mar Jehova Nyasaye mane obirone janabi Jeremia kuom jo-Filistia kapok Farao nomonjo Gaza:

Joel 3:4

“Yaye, jo-Turo gi jo-Sidon, kod joma odak e gwenge mag Filistia, ulawa nangʼo? Koso uchulona kuor nikech gimoro masetimo? Ka uchulona kuor to abiro dwoko timbeu e wiwu uwegi kuom gima usetimo moruyore kendo mapiyo.

Amos 1:6

Jehova Nyasaye wacho niya, “Jo-Gaza osebedo katimo richo mangʼeny, omiyo ok abi weyo ma ok akumogi. Nikech gisemako ogendini duto mi giterogi e twech e piny Edom,

Amos 1:8

Abiro riembo ruodh Ashdod kaachiel gi ngʼat motingʼo ludh Jehova Nyasaye man Ashkelon. Abiro kumo dala mar Ekron, kendo abiro nego jo-Filistia duto modongʼ,” Jehova Nyasaye Manyalo Gik Moko Duto owacho.

Zekaria 9:4

To Jehova Nyasaye biro maye mwandune mi oketh tekone ma en-go e nam, kendo ibiro tieke gi mach.

Zekaria 9:6

Jopinje mamoko nokaw Ashdod milok margi kendo abiro tieko sunga mar jo-Filistia.

Tich Joote 8:26

Malaika mar Ruoth nowacho ni Filipo niya, “Koro aa malo idhi yo milambo, kiluwo yo mongʼado i thim moa Jerusalem kadhi Gaza.”

Jo-Rumi 5:5

To geno ok kuod wiwa, nikech Nyasaye oseolo herane ei chunywa kuom Roho Maler, ma osemiyowa.

Jo-Filipi 1:20

Dwarona maduongʼ kod genona en ni ok anane wichkuot, to ni abiro bedo gi teko moromo mondo Kristo osik ka yudo duongʼ e ringra kaka pile, bed ni angima kata atho.