Zekaria 8:4 - Motingʼo Loko Manyien

⁴ Ma e gima Jehova Nyasaye Maratego wacho: “Chwo gi mon mahikgi ngʼeny biro bet e yore mag Jerusalem kendo, ka moro ka moro kuomgi sirore gi luth nikech hike ngʼeny.

MUMA MALER 2015

⁴ Bende an Ruoth Nyasaye Manyalo Gik Moko Duto awacho ni, Jodongo kod mon moti biro chako bet e wang’yore mag Jerusalem kendo, ka moro ka moro sirore gi luth nikech hike oniang’ ahinya.

Zekaria 8:4 ပူးပေါင်းရင်းမြစ်များ

Ayub 42:17

Bangʼe Ayub notho, ka en jaduongʼ moti ma hike oniangʼ.

Ayub 5:26

Inidag amingʼa mitho kapod itegno, mana ka cham mokaa e kinde mowinjore.

Wuok 21:19

to ngʼatno mane ogocho ok nomok e wachno ka machielono ochungo mi owuotho oko gi ludhe; to kata kamano, nyaka ochul ngʼat mohinyoreno kuom thuolone mokethore kendo one ni ochango chutho.

Jeremia 31:13

Eka jotich ma nyiri nomiel kendo bed mamor, yawuowi matindo kod joma oti machalre. Analok ywakgi obed mor; anahogi kendo anamigi ilo kar kuyo.

Jeremia 31:24

Ji nodag kaachiel e kanyakla ei Juda kod miechgi duto, jopur kod jogo mawuotho ka gi kacha gi jambgi.

Zekaria 2:4

kendo nowachone niya, “Ringi inyis wuowi matin cha ni, ‘Jerusalem biro bedo dala ma ok ochiel gi ohinga nikech ji kod jamni mabiro dak e iye biro bedo mangʼeny mohinge.

Jo-Hibrania 12:22

Un to usebiro e Got Sayun, e Jerusalem manie polo, ma en dala maduongʼ mar Nyasaye mangima. Useriworu gi malaike gana gi gana mochokore e nyasi mar mor

1 Samuel 2:31

Ndalo biro ma anatiekie tekoni kod teko mar od wuonu, mi ok noyudi ngʼato angʼata moti e dhoodu.

1 Samuel 2:32

Kendo inibed gi chandruok e kar dakna kata obedo ni jo-Israel none ber to ei anywolani to onge ngʼat manodag amingʼa mabed moti.