Zekaria 8:21 - Motingʼo Loko Manyien

²¹ kendo ji modak e dala maduongʼ machielo ni wach ni, ‘Wadhiuru riat mondo walam Jehova Nyasaye kendo wadwar Jehova Nyasaye Maratego, an to eri asewuok adhi.’

MUMA MALER 2015

²¹ Joma odak e dala moro nodhi ir joma odak e dala machielo, mi wachnigi niya, ‘Wadhiuru ir Ruoth Nyasaye Manyalo Gik Moko Duto mondo walame, kendo wakwaye mondo oguedhwa.’

Zekaria 8:21 ပူးပေါင်းရင်းမြစ်များ

2 Weche mag Ndalo 11:16

Jogo manoa e dhout jo-Israel mane oketo chunygi kuom dwaro Jehova Nyasaye, ma Nyasach jo-Israel, noluoro jo-Lawi nyaka Jerusalem mondo gitim misengini ni Jehova Nyasaye ma Nyasach kweregi.

Zaburi 103:22

Pakuru Jehova Nyasaye, un gik moko duto mochweyo, manie bwo lochne kuonde duto. Pak Jehova Nyasaye, yaye chunya.

Isaya 2:3

Ogendini mangʼeny nobi kawacho niya, “Biuru wadhi e got mar Jehova Nyasaye, e od Nyasach Jakobo. Enopuonjwa wechene mondo wawuothie e yorene.” Chik nowuog Sayun, kendo wach Jehova Nyasaye nowuog koa Jerusalem.

Jeremia 31:6

Odiechiengʼ moro nobedie ma jorit noywagi e gode matindo mag Efraim niya, ‘Biuru wadhi Sayun, ir Jehova Nyasaye ma Nyasachwa.’ ”

Hosea 6:3

Waluonguru Jehova Nyasaye; wadhiuru nyime gi luongo nyinge. Mana kaka chiengʼ wuok, e kaka obiro wuok; enobi irwa mana ka kodh chwiri, mana ka koth mabiro bangʼ chwiri mamiyo lowo bedo mangʼich.”

Zekaria 7:2

Noyudo jo-Bethel ooro Shareza gi Regem-Melek, kod jogi moko, mondo okwa Jehova Nyasaye gweth,

Zekaria 8:22

Kendo ogendini mangʼeny kod pinje maroteke nobi Jerusalem mondo odwar Jehova Nyasaye Maratego mondo gilame.”

Johana 1:37

Kane jopuonjrene ariyogo owinjo kowacho mano, negiluwo bangʼ Yesu.