Zekaria 1:15 - Motingʼo Loko Manyien

¹⁵ to bende akecho ahinya gi ogendini modak kodhialore. Mokwongo ne akecho mana matin, to koro gisemiyo chandruok omedo doko malit moloyo.’

MUMA MALER 2015

¹⁵ Akecho ahinya gi ogendini ma neno maber, nikech kane pok mirima omaka ahinya gi joga to ne gisandogi moloyo kaka owinjore.

Zekaria 1:15 ပူးပေါင်းရင်းမြစ်များ

Ayub 30:13

Giketho yora, gidwaro tieka chuth. Giwacho ni, ‘Onge ngʼama nyalo konye.’

Zaburi 123:4

Josunga osejarowa moromo acheje bende osechayowa moromo.

Zaburi 137:7

Parie gima ne jo-Edom otimo, yaye Jehova Nyasaye, parie gima negitimo chiengʼ mane Jerusalem opodho. Ne gikok matek niya, “Mukeuru ogoye piny. Mukeuru ogore piny gi mise mare duto!”

Zaburi 69:26

Nimar gisando joma ihinyo kendo giwuoyo kuom lit mag joma ihinyo.

Isaya 54:8

E kinde mane an gi mirima mangʼeny ne apandoni wangʼa kuom ndalo manok, to koro gi ngʼwono mochwere an-gi kech kuomi,” Jehova Nyasaye ma Jaresni ema owacho.

Jeremia 30:16

“ ‘To jogo duto motiekou notieki; wasiku duto noter e twech. Jogo momayou nomagi; jogo moketonu obadho anaketnegi obadho.

Jeremia 50:33

Ma e gima Jehova Nyasaye Maratego wacho: “Jo-Israel ithiro, kaachiel gi jo-Juda bende kamano. Joma ne omakogi nomakogi matek, ma ok nyal weyogi gidhi.

Jeremia 51:24

Jehova Nyasaye wacho niya, “E nyim wangʼu anachul Babulon kod jogo duto modak Babulon kuom gigo maricho magisetimo e Sayun.”

Ezekiel 26:2

“Wuod dhano, Turo ogoyo mahu kuom Jerusalem kama: Dhorangeye mag ogendini osekethore, kendo dhoudi mage koro oyaworena malach; mi odongʼ gunda, omiyo koro abiro dhi maber.

Amos 6:1

“Mano kaka unune malit un joma odak maber e Sayun, kod un joma nigi geno ni gode mag Samaria nyalo resogi, kaachiel gi un joma omi luor mag oganda maduongʼ, ma jo-Israel dhi irgi mondo oyud konyruok!

Habakuk 3:12

E mirimbi ne iwuotho e piny duto, to kuom mirimbi ne inyono ogendini.

Zekaria 1:11

To negidwoko wach ne malaika mar Jehova Nyasaye, mane ochungʼ e dier yiend kuth ochwoga, kagiwacho niya, “Wasewuotho e piny koni gi koni mi wayudo ka piny ngima yweyo kendo nigi kwe.”

Zekaria 1:2

“Jehova Nyasaye nosin ahinya gi kwereu.

Zekaria 14:12

Masira ma Jehova Nyasaye biro goyogo pinje duto mosebedo kakedo gi Jerusalem en ma: Ringregi biro tow ka gichungʼ, wengegi biro tow, kendo lewgi biro tow ei dhogi.

Zekaria 6:8

Eka noluonga kowachona niya, “Mago madhiyo nyandwatgo osemiyo chunya olendo gi piny ma yo nyandwatno.”