Zaburi 70:4 - Motingʼo Loko Manyien

⁴ To mad ji duto madwari bed moil kendo mamor kuomi; mad joma ohero warruok mari osik kawacho niya, “Jehova Nyasaye mondo oyud duongʼ!”

MUMA MALER 2015

⁴ To ji duto mabiro iri onego bed mamor kendo mail. Onego ji duto mohero warruok maa kuomi wach pile niya, “Mano kaka Nyasaye duong’!”

Zaburi 70:4 ပူးပေါင်းရင်းမြစ်များ

Zaburi 35:27

Mad joma mor kuom loch ma imiya okog gi ilo kod mor; mad gisiki kagiwacho kinde duto niya, “Jehova Nyasaye mondo otingʼ malo nikech omiyo jatichne locho.”

Zaburi 40:16

To mad ji duto madwari bed moil kendo mamor kuomi; mad joma ohero warruok mari osik kawacho niya, “Jehova Nyasaye mondo oyud duongʼ!”

Zaburi 5:11

We ji duto moketi kar pondo margi obed mamor; we gisiki ka giwer gimor. Umgi gi rit mari, mondo joma ohero nyingi omor kodi.

Zaburi 97:12

Moruru kuom Jehova Nyasaye un joma kare, kendo pakuru nyinge maler.

Isaya 61:10

An-gi mor maduongʼ e nying Jehova Nyasaye; chunya opongʼ gi ilo kuom Nyasacha. Nimar oserwaka gi lep warruok, kendo oboya gi law mar tim makare, mana kaka wuon kisera boyo wiye ka jadolo, kendo ka miaha morwakore gi thiwni mabeyo.

Ywagruok 3:25

Jehova Nyasaye ber ne jogo ma genogi ni kuome, kendo ne ngʼatno madware,

Johana 16:20

Adier, adier awachonu, ni ubiro goyo nduru kendo ubiro ywak ka piny to winjo maber. Kuyo to ubiro kuyo, to kata kamano kuyo maru biro lokore mor achien.