Zaburi 7:7 - Motingʼo Loko Manyien

⁷ We chokruoge mag ogendini olwori koni gi koni. Ngʼad negi bura gie kom loch mari man malo;

MUMA MALER 2015

⁷ Chok ogendini duto iri kaachiel, mondo iritgi gie polo malo.

Zaburi 7:7 ပူးပေါင်းရင်းမြစ်များ

Zaburi 138:6

Jehova Nyasaye rango joma obolore kata obedo ni en malo to josunga to ongʼeyo kata kapod gin gichien.

Zaburi 35:23

Aa malo, kendo chungi mondo ikonya! Kedna, yaye Nyasacha kendo Ruodha.

Zaburi 43:1

Ngʼadna bura makare, yaye Nyasaye, kendo chwaka e kind joma ok ongʼeyo Nyasaye; resa e lwet joma wuondore gi joma timbegi richo.

Zaburi 48:11

Got Sayun oil, kendo mier mag Juda nigi mor, nikech iyalo ji maber.

Zaburi 59:5

Yaye Jehova Nyasaye, ma Nyasaye Maratego, in Nyasach Israel, aa malo ikum ogendini duto; kik ikech andhoke ma timbegi richo. Sela

Zaburi 93:4

Jehova Nyasaye nigi teko maduongʼ moloyo mor mar pige maroteke, en gi teko maduongʼ moloyo apaka ma tekregi ngʼeny, adier Jehova Nyasaye man malo nigi teko maduongʼ.

Isaya 57:15

Nimar ma e gima Jal Man Malo Moloyo ma en Jal modak nyaka chiengʼ, ma nyinge ler wacho, “Adak kama ler man malo, kaachiel gi ngʼat mofwenyo richone kendo man-gi chuny mobolore, mondo aduog chuny ngʼat moboloreno kendo ajiw chuny ngʼat mofwenyo richone.

Fweny 18:20

“Yaye polo bed mamor kuom kethne. Un jomaler mag Nyasaye gi joote kod jonabi, beduru mamor! Nyasaye osengʼadone bura kendo kume nikech timbe mane otimonu.”

Fweny 19:2

nikech buchene gin adiera kendo kare. Osengʼado bura ni jachode maduongʼ mane oketho piny gi terruokne. Adier Nyasaye osekume nikech nonego jotich Nyasaye.”