Zaburi 69:8 - Motingʼo Loko Manyien

⁸ Achalo wendo ne owetena an kaka jamwa ne yawuot minwa;

MUMA MALER 2015

⁸ Achalo ni owetena ka ng’ama pok gineno. Joodwa to achalonigi mana japiny moro nono.

Zaburi 69:8 ပူးပေါင်းရင်းမြစ်များ

Zaburi 31:11

Nikech wasigu olwora mangʼeny, joma odak koda koro ochaya gi chunygi; alich kata mana ni osiepena kendo joma onena e wangʼ yo ringa.

Zaburi 38:11

Osiepena gi anywolana ok dwar nena nikech adhondena; joma odak buta otangʼ koda.

Zaburi 89:51

ayenje ma wasiki osejerogo, yaye Jehova Nyasaye, ayenje ma gisejarogo okangʼ kokangʼ mar jatichni mowir.

Zaburi 89:52

Opak Jehova Nyasaye nyaka chiengʼ! Amin kendo Amin.

Isaya 50:6

Ne achiwora ne joma goya, ne joma pudho yie tika; kendo ne ok apando wangʼa ne joma nyiera kendo ngʼulo kuoma olawo.

Isaya 53:3

Ne ojare mokwede gi oganda, en ngʼat mane neno chandruok mangʼeny, kendo mosiko kawinjo rem. Ji nojare kendo wan bende ne ok wamiye luor, mana ka ngʼama ok dwar neno.

Isaya 53:4

Adier, notingʼo sandruok-wa kendo chandruokwa ema ne ture, kata kamano wan to ne waparo ni kum mane oyudo, sandruok kod chandruok noa kuom Nyasaye.

Jeremia 15:15

In ingʼeyo, yaye Jehova Nyasaye; para kendo konya. Chul kuor ne joma sanda. Isenano koda omiyo kik iweya; par kaka osesanda kochaya nikech in.

Mathayo 26:56

To gima timoreni osetimore kama mondo Ndiko mag jonabi ochopi.” Eka jopuonjre duto noweye moringo odhi.

Johana 1:11

Nobiro ir joge owuon, to joge ne ok orwake.

Johana 7:5

Negiwachone kamano nikech kata gin giwegi ne ok giyie kuome.

1 Samuel 17:28

Kane Eliab mowadgi Daudi maduongʼ, owinje ka owuoyo gi ji, mirima nomake kode mopenje niya, “Ibiro ka nangʼo? To rombe manok ka to iweyo gi ngʼa e thim? Angʼeyo ni in jangʼayi bende pachi richo, isebiro mana ni mondo ine kaka lweny dhi.”