Zaburi 69:7 - Motingʼo Loko Manyien

⁷ Nimar ji yanya to alingʼ alingʼa nikech in, kendo wichkuot obako lela wangʼa.

MUMA MALER 2015

⁷ Aseyudo chuny malit ka ji yanya nikech in, kendo wiya okuot ma ok anyal ting’o wang’a.

Zaburi 69:7 ပူးပေါင်းရင်းမြစ်များ

Zaburi 44:15

Wichkuot mara osiko neno e wangʼa odiechiengʼ duto, kendo lela wangʼa wichkuot oumo.

Zaburi 44:22

To nikech in, tho ochomowa odiechiengʼ duto; ikwanowa kaka rombo mitero kar yengʼo.

Isaya 50:6

Ne achiwora ne joma goya, ne joma pudho yie tika; kendo ne ok apando wangʼa ne joma nyiera kendo ngʼulo kuoma olawo.

Isaya 53:3

Ne ojare mokwede gi oganda, en ngʼat mane neno chandruok mangʼeny, kendo mosiko kawinjo rem. Ji nojare kendo wan bende ne ok wamiye luor, mana ka ngʼama ok dwar neno.

Jeremia 15:15

In ingʼeyo, yaye Jehova Nyasaye; para kendo konya. Chul kuor ne joma sanda. Isenano koda omiyo kik iweya; par kaka osesanda kochaya nikech in.

Luka 23:11

Eka Herode gi askechene nojare kendo nonyiere. Negirwake gi kandho marakido maber, negidwoke ir Pilato.

Jo-Hibrania 12:2

Wachomuru wangʼwa kuom Yesu, ma en jachak kendo jachop yie marwa. Nikech nogeno yudo mor mane oikne ni nonwangʼ achien, nochayo tho malit mar msalaba ka ok odewo wichkuot ma tho ma kamano kelo, kendo koro obet piny e bat korachwich mar kom duongʼ mar Nyasaye.