Zaburi 69:4 - Motingʼo Loko Manyien

⁴ Joma ochaya maonge gima omiyo ngʼeny moloyo yie wiya; joma olokore wasika kayiem thoth adier, jogogo madwaro mondo otieka. Ichuna mondo adwok gima ne ok akwalo.

MUMA MALER 2015

⁴ Joma mon koda kayiem nono ng’eny, moloyo yie wiwa gi ng’eny, bende joma hangona wach kendo dwaro nega, rateke mokadho! Ne gichuna mondo amigi gik mane ok akwalo.

Zaburi 69:4 ပူးပေါင်းရင်းမြစ်များ

Zaburi 35:19

Kik iyie ni jogo osungre ni gisenyala, joma obedo wasika maonge gima omiyo; iyie joma ochaya maonge gimoro sigre gi wengegi mar timona marach.

Zaburi 40:12

Nikech chandruok mokalo akwana olwora; richona osejuka kendo ok anyal neno. Gingʼeny moloyo yie wiya, kendo chunya onyosore gie iya.

Zaburi 59:3

Neye kaka gibutona ka girita e yo! Joma kwiny chano kaka digihinya, to an onge gima rach kata richo masetimo, yaye Jehova Nyasaye.

Zaburi 6:7

Wengena ool nikech lit ma an-go; ok ginen maber nikech wasika duto.

Johana 15:25

Mago duto osetimore mana mondo ochop gima ondiki e chikgi ni, ‘Ne gichaya kayiem nono.’

2 Jo-Korintho 5:21

Nyasaye noketo Jal mane onge richo obedo richo mondo kuome wabed joma kare mag Nyasaye.

1 Petro 2:22

Muma wacho niya, “Ne ok otimo richo kata achiel, kendo onge miriambo mane owuok e dhoge.”

1 Petro 2:24

En owuon notingʼo richowa e ringre kane otho e msalaba mondo eka wan wadok joma otho ne richo, to wabed mangima ne timbe makare; kuom moriemo mage ema osechangu.

1 Petro 3:18

Nikech Kristo notho ni richo dichiel kendo mogik, ngʼat makare notho kar joma richo mondo okelu ir Nyasaye. Ne oneg ringre, to kata kamano nomiye bedo mangima kuom Roho.