Zaburi 69:34 - Motingʼo Loko Manyien

³⁴ Piny gi polo mondo opake, kaachiel gi nembe kod gik moko duto mawuothoe igi,

MUMA MALER 2015

³⁴ Un polo gi piny kod nembe, kaachiel gi gik moko duto manie iu, pakuru Nyasaye.

Zaburi 69:34 ပူးပေါင်းရင်းမြစ်များ

Chakruok 1:20

Kendo Nyasaye nowacho niya, “Pi mondo opongʼ gi gik mangima, kendo winy mondo ofu ewi piny e kor polo.”

Zaburi 102:18

Wachni mondo ondik piny ne tiengʼ mabiro, mondo joma pok onywol opak Jehova Nyasaye:

Zaburi 150:6

Gimoro amora mayweyo mondo opak Jehova Nyasaye. Pakuru Jehova Nyasaye.

Zaburi 96:11

Polo mondo obed moil, piny mondo obed mamor; nam mondo owuo kaachiel gi gik moko duto manie iye;

Isaya 49:13

Go koko nikech mor, yaye polo, bed gi ilo, yaye piny, weruru matek, un gode! Nimar Jehova Nyasaye kweyo chuny joge kendo obiro bedo gi kech ne joge machandore.

Isaya 55:12

Unuwuog kuno gi mor kendo notelnu gi kwe, gode madongo gi matindo nower matek e nyime kendo yiende duto manie bungu nopam gi ilo.