Zaburi 40:2 - Motingʼo Loko Manyien

² Ne oywaya oko e bur motimo otodo, ne ogola e chwodho gi thidhna. Ne oketo tiendena e lwanda kendo nomiya kama otegno mondo achungie.

MUMA MALER 2015

² Ne oywaya ka ogola e bur malich, mi awuok e chuodho motimo otodo. Eka ne oketa e lwanda, mi achung’ motegno.

Zaburi 40:2 ပူးပေါင်းရင်းမြစ်များ

Zaburi 37:23

Ka Jehova Nyasaye mor gi yor ngʼato, to omiyo yorene bedo mopie;

Zaburi 119:133

Ket okangega mondo gilure gi wachni; kik iwe richo moro amora loya.

Zaburi 27:5

Nikech chiengʼ ma chandruok omaka obiro panda maber e kar dakne; obiro panda e kar pondo mar hembe maler kendo obiro keta malo ewi lwanda.

Zaburi 61:2

Aluongi gie tungʼ piny, aluongi ka chunya ool; telna nyaka lwanda mohinga gi bor.

Zaburi 71:20

Kata obedo ni isemiyo aneno chandruok mathoth kendo malit, to pod ibiro miyo abed mangima kendo. Ibiro gola e bur matut mi achak abed gi duongʼ.

Zaburi 86:13

Nimar hera ma iherago duongʼ, kendo isegola ei chuny bur matut.

Zaburi 69:2

Asechako nimo e chwodho matut, kama onge lowo motegno ma ngʼato nyalo chungʼie. Asechopo e chuny pi kama tut, kendo apaka olwora oketa diere.

Zekaria 9:11

Abiro golo jogi motwe kagolo e bur matut maonge pi, nikech singruokna mane atimo kodu gi remo.

Zaburi 18:36

Imiyo yo mawuothoe bedo malach, mondo tiendena kik ba yo.

Tich Joote 2:24

Kata kamano, Nyasaye nochiere oa kuom joma otho, mi ogonye oa e rem malit mar tho, nikech kata mana tho ne ok nyal loye.

Zaburi 143:3

Jasigu lawa matek, oserodha piny nyaka e lowo; ochuna ni nyaka adag kama otimo mudho mana ka joma notho chon gi lala.

Zaburi 17:5

Tienda osesiko e yoreni; tiendena pok okier.

Zaburi 116:3

Tonde mag tho norida, lit mar liel nochopona, kendo chandruok gi chuny lit noloya.

Mathayo 13:50

kendo nowitgi ei mach makakni, kama ywagruok gi mwodo lak nobedie.”

Isaya 24:22

Nochokgi kaachiel kendo nolornegi mana kaka jo-jela molornegi e od twech kendo nolornegi e od twech, mi giyud kum kuom kinde mangʼeny.

Zaburi 18:7

Piny notetni kendo oyiengni; kendo mise mag gode notetni; ne gikirni nikech ne okecho.