Zaburi 4:2 - Motingʼo Loko Manyien

² Yaye, ubiro chayo duongʼ ka ukuodo wiya nyaka karangʼo? Ubiro hero gik manono kendo luwo nyiseche manono nyaka karangʼo? Sela

MUMA MALER 2015

² Un ji ubiro yanya nyaka karang’o, kuhero mana gik manono, kendo kuluwo yore mag miriambo?

Zaburi 4:2 ပူးပေါင်းရင်းမြစ်များ

Zaburi 106:20

Ne giwilo Duongʼ margi gi kido mar rwath machamo lum.

Zaburi 14:6

Un joma timo gik maricho, uketho chenro joma odhier, to Jehova Nyasaye e kar pondo margi.

Zaburi 2:1

Angʼo momiyo ogendini chano timo marach kendo ji chano jiemo kayiem nono?

Zaburi 3:3

To In e okumbana mogengʼa, yaye Jehova Nyasaye; In ema imiyo alocho, kendo isetingʼo wiya malo.

Zaburi 31:6

Asin gi joma lamo nyiseche manono ma dhano oloso; an to aketo genona kuom Jehova Nyasaye.

Zaburi 5:6

Itieko joma wacho miriambo; Jehova Nyasaye ok mor gi joma dwaro chwero remo, kod jo-miriambo.

Zaburi 50:15

kendo luongauru e kinde ma un e chandruok; to abiro resou e chandruokugo, eka ubiro miya duongʼ.”

Zaburi 57:4

An e dier sibuoche; anindo e dier le mager mangemo, joma lekegi chalo tonge gi aserni, ma lewgi chalo ligangla mabitho.

Zaburi 58:1

Un jotelo, bende uwuoyo gi adiera? Bende ungʼado bura moriere tir e dier ji?

Zaburi 58:3

Joma timbegi richo chako lal ae nywolgi; gin jo-jendeke kendo gin jo-miriambo aa nywolgi.

Zaburi 63:11

To ruoth to biro bedo moil kuom Nyasaye; ji duto masingore e nying Nyasaye biro pake, to dho jo-miriambo ibiro um mi lingʼ.

Zaburi 72:2

Obiro ngʼado ne jou bura makare, obiro kelo adiera ne jou masandore.

Wuok 10:3

Kuom mano Musa gi Harun nodhi ir Farao mi owachone niya, “Ma e gima Jehova Nyasaye, ma Nyasach jo-Hibrania wacho: ‘Nyaka karangʼo ma ibiro tamori bolori e nyima? We joga odhi mondo gilama.

Ngeche 1:22

“Nyaka karangʼo ma un joma ngʼeyogi tin nusik kuhero yoreu mag ngʼeyo matin?” Nyaka karangʼo ma jojaro pod nosik kamor, e jaro kendo joma ofuwo nosiki kochayo puonj?

Eklesiastes 8:11

Ka ngʼado bura ne janjore ok otim, to chuny ji pongʼ gi chenro mar timo marach.

Eklesiastes 9:3

Ma e richo mantiere kuom gimoro amora matimore e piny: Giko machalre choponegi duto. Kata kamano, chuny dhano opongʼ gi richo kendo nitie neko e pachgi e kinde ma gingima, to bangʼe to giriwore gi joma otho.

Isaya 20:5

Ji mane oketo genoni kuom jo-Kush, kendo tingʼore malo nikech jo-Misri nobed gi luoro kod wichkuot.

Isaya 45:17

To Israel Jehova Nyasaye noresi gi warruok manyaka chiengʼ; wiwu ok nokuodi bende ok nochau nyaka chiengʼ.

Isaya 59:4

Onge ngʼama dwaro tim makare; kata manyo bura miyalo gadiera. Gigeno mana kuom weche manono kendo giwacho miriambo, gimako ich mar chandruok kendo ginywolo mana richo.

Jeremia 2:11

Bende ogendini oseloko nyiseche nyaka nene? (Kata kamano bende ok gin nyiseche.) To joga osewilo duongʼ mar Nyasachgi, gi nyiseche manono maonge tiendgi.

Jeremia 2:5

Ma e gima Jehova Nyasaye wacho: “En ketho mane mane wuoneu oyudo kuoma, momiyo ne gibaro mabor koda? Negiluwo bangʼ nyiseche manono mi gibedo manono gin giwegi.

Jeremia 9:3

“Giketo lewgi moikore ka atungʼ, mondo gidirgo miriambo; to dhigi maber e piny ok nikech giwacho adiera. Gitimo richo bangʼ moro ka moro; ok gidewa.” Jehova Nyasaye ema owacho.

Hosea 4:7

Kaka jodolo medore, e kaka gimedo timo richo e nyima; gisewilo duongʼ margi gi gima kelo wichkuot.

Jona 2:8

“Joma otwere kalamo nyiseche manono, jwangʼo ngʼwono mado bedo margi.

Kwan 14:11

Jehova Nyasaye nowacho ne Musa niya, “Nyaka karangʼo ma jogi biro jarae? Nyaka karangʼo ma jogi biro tamore yie kuoma, kata bangʼ timo honni mopogore opogore e kindgi?

Tich Joote 24:9

Jo-Yahudi duto mane ni kanyo noriwore gi Tertulo ka donjone, kendo ka giramo ni gik mane odonjnego ne gin adier.

1 Jo-Korintho 1:31

Emomiyo, mana kaka ondiki niya, “Ngʼat ma sungore mondo osungre kuom Jehova Nyasaye.”

Jo-Efeso 4:25

Emomiyo, ngʼato ka ngʼato kuomu nyaka we miriambo duto kendo wach adiera ne nyawadgi, nikech wan duto wan fuond ringruok achiel.

1 Samuel 12:21

Kik ulokru uluw nyiseche manono. Ok ginyal konyou, bende ok ginyal resou nikech gin gik manono.