Zaburi 38:3 - Motingʼo Loko Manyien

³ Mirimbi mager osemiyo ringra obedo maonge ngima maber; chokena ok winj maber nikech richona.

MUMA MALER 2015

³ Atuo malich nikech mirimbi. Denda duto tuo ogoyo nikech richona.

Zaburi 38:3 ပူးပေါင်းရင်းမြစ်များ

2 Weche mag Ndalo 26:19

Uzia mane oyudo ka oikore gi tap mach e lwete mondo owangʼ ubani nokecho. Kane mirima omake kod jodolo, dhoho nolandore e lela wangʼe e nyim jodolo e hekalu mar Jehova Nyasaye but kendo mar misango miwangʼoe ubani.

Ayub 6:4

Aserni mag Jehova Nyasaye Maratego osechwoyo denda, ringra opongʼ gi kwiri marach ma asernigo okelo; kendo masiche mag Nyasaye olwora koni gi koni.

Zaburi 102:3

Nimar ndalona rumo piyo ka iro; chokena rewni ka kit kendo maliet.

Zaburi 102:5

Chur ma achurgo matek omiyo adhero alokora choke lilo.

Zaburi 32:4

Nikech odiechiengʼ gotieno lweti ne pek kuoma; tekrena ne oduono mana kaka timore e liet mar ndalo oro. Sela

Zaburi 51:8

We awinjie mor kod ilo; mi chokena misetoyo ochak obedie mamor.

Zaburi 6:2

Kecha, yaye Jehova Nyasaye, nikech aol; changa, yaye Jehova Nyasaye, nikech chokena rama malit.