Zaburi 140:9 - Motingʼo Loko Manyien

⁹ Mi mondo chandruok ma joma olwora bwogago, odog e wiyegi.

MUMA MALER 2015

⁹ Adier, kik iwe wasika lochi, to mi bwok ma gibwogago dog mana e wigi giwegi!

Zaburi 140:9 ပူးပေါင်းရင်းမြစ်များ

Esta 5:14

Jaode ma Zeresh gi osiepene duto nongʼadone rieko niya, “Gur yath ma borne oromo fut piero abiriyo gabich mi liere ji, kendo ikwa ruoth gokinyi mondo oneg Modekai kolier kanyo. Eka mondo idhi uchiem gi ruoth ka imor.” Parono nomoro Haman, mi nogero gima inegogo ji koliergi.

Esta 7:10

Omiyo neginego Haman e gima noseiko mondo oneg-go Modekai. Eka mirimb ruoth norumo.

Zaburi 64:8

Obiro loko lewgi mi gogi gin giwegi mi otiekgi chuth; ji duto monenogi biro kino wigi gi wuoro.

Zaburi 7:16

Chandruok mokelo gaje en owuon; timbene mag mahundu dwogone e wiye owuon.

Zaburi 94:23

Obiro chulogi nikech richogi kendo obiro tiekogi nikech timbegi maricho; Jehova Nyasaye ma Nyasachwa biro tiekogi.

Ngeche 10:11

Dho ngʼat makare en soko mar ngima, to timbe mahundu opongʼo dho ngʼat marach.

Ngeche 10:6

Gweth sidho kondo mar loch ewi ngʼat makare, to timbe mahundu opongʼ e dho ngʼat marach.

Ngeche 12:13

Ngʼat marach imako mana gi wuoyone maricho, to ngʼat makare tony ne chandruok.

Ngeche 18:7

Dho ngʼat mofuwo ema tieke, to lewe ema bedo obadho ne ngimane.

Mathayo 27:25

To ji duto nodwoko riat niya, “Rembe mondo obed e wiwa gi nyithindwa!”

Rapar mar Chik 32:27

to ne alingʼ kane awinjo weche mag jasigu mondo jongʼadne rieko kik ngʼe gima aparo, mi giwach niya, “Lwetwa ema oseloyo, Jehova Nyasaye ok osetimo gimoro.”