Zaburi 13:2 - Motingʼo Loko Manyien

² Abiro dhi nyime ka an gi pek manie pacha kod kuyo manie chunya odiechiengʼ kodiechiengʼ nyaka karangʼo? Wasika biro locho kuoma nyaka karangʼo?

MUMA MALER 2015

² Pod abiro bet kathagora gi rem nyaka karang’o’ ka kuyo opong’o chunya odiechieng’ gotieno? Wasika nobed gi loch kuoma nyaka karang’o?

Zaburi 13:2 ပူးပေါင်းရင်းမြစ်များ

Jeremia 8:18

Yaye Jahochna e lit, chunya ool.

Jeremia 15:18

Angʼo momiyo rem mara ok rum kendo adhonda lich ma ok nyal thiedhore? Bende inyalo bedona ka aora modwono, mana ka soko motwo?

Ywagruok 1:5

Wasike ema tinde otelone, kendo wasikego dhi maber. Jehova Nyasaye osekelone chandruok nikech richone mangʼeny. Nyithinde oseter e twech, kendo gisebedo kaka joma omaki e nyim wasigu.

Eklesiastes 5:17

Ndalone duto ochiemo e mudho, ka en gi chandruok malich, rem kod mirima.

Ngeche 15:13

Chuny mamor miyo wangʼ bedo gi mor, to chuny mokuyo miyo dhano bedo mool.

Ayub 10:15

Okwongʼa, an ngʼat ma timbene mono! To kata ka aonge ketho, to pod ok anyal bedo thuolo, nimar wichkuot ma an-go osemiyo alal ei masichena.

Jo-Filipi 2:27

Chutho notuo marach, mi odwa otho. To Nyasaye nokeche, kendo kuom kech mane okechego, an bende nokecha, mondo kik abed gi kuyo manyadiriyo.

Jo-Rumi 9:2

An gi kuyo maduongʼ kod lit ma ok rum e chunya.

Johana 16:6

Nikech gik ma asewachonu, omiyo un gi kuyo.

Mathayo 26:38

Eka nowachonegi niya, “Chunya opongʼ gi midhiero gi lit nyaka kar tho. Beduru ka kendo beduru ka urito kaachiel koda.”

Ywagruok 1:9

Chilo ma en-go omienore e lepe, ne ok odewo gima biro timorene bangʼe. Nopodho malich miwuoro, to onge ngʼama ne nyalo hoye. Yaye Jehova Nyasaye, neye chandruok ma an-go, nimar wasigu oseloyo.

Zaburi 116:3

Tonde mag tho norida, lit mar liel nochopona, kendo chandruok gi chuny lit noloya.

Zaburi 74:18

Parie kaka jasigu osejari, yaye Jehova Nyasaye. Parie kaka joma onge rieko osechayo nyingi.

Zaburi 74:10

Nyaka karangʼo ma jasigu biro jarie, yaye Nyasaye? Ibiro yiene jasigu mondo oyany nyingi nyaka chiengʼ koso?

Zaburi 42:4

Aparo gigi duto ka chunya opongʼ giywak: aparo kaka ne adhi gi oganda maduongʼ ka atelo ni ji madhi e od Nyasaye, Ka akok gimor kendo agoyo erokamano E dier oganda maduongʼ matimo nyasi gi mor.

Zaburi 31:18

Mi dhogi mawacho miriambo mondo olingʼ; nikech sungagi kod chuny marach ma gin-go, omiyo giwuoyo gi wich teko kuom joma kare.

Zaburi 17:9

mondo atony e lwet joma richo ma lawa, mondo atony e lwet wasika ma dhano molwora.

Zaburi 10:18

Ichwako nyithi kiye kod joma isando, mondo dhano ma ochwe gi lowo, kik dhi nyime gi bwogo ji.

Zaburi 9:6

Kethruok mosiko osejuko jasigu, isemuko miechgi madongo; kendo wi ji osewil kodgi.

Zaburi 8:2

Ne isechano mondo nyithindo kod nyithindo mayom omiyi pak, nikech wasiki, mondo jawasigu kod jachul kuor olingʼ kawuoro timni.

Zaburi 7:2

nono to gibiro kidha kaka sibuor kidho gik moko. Kendo gibiro yiecha matindo tindo maonge ngʼama diresa e lwetgi.

Esta 7:6

Esta nowacho niya, “Jasadha ma jawasikwa en mana Haman ngʼat marach mobet butino.” Eka luoro maduongʼ nomako Haman e nyim ruoth gi mikache.

Nehemia 2:2

omiyo ruoth nopenja niya, “Ere gima omiyo ikuyo to ok ituo? Ma ok en kuyo akuya makmana ni en mar chuny.” Ne aluor ahinya,

1 Samuel 24:19

Ka ngʼato onwangʼo jasike, bende oweye odhi ma ok ohinye? Mad Jehova Nyasaye chuli mathoth kuom gima itimona kawuononi.

1 Samuel 18:29

Saulo nomedo luore, kendo nosiko ka en jasike e ndalo duto mag ngimane.

Luka 22:53

Pile ka pile an kodu e laru mag hekalu, to ne ok umaka. To mani en sau, sa ma mudho olocho.”

Jeremia 45:3

Ne iwacho ni, ‘Mano kaka awinjo malit! Jehova Nyasaye osemedona rem; arumo nikech rem mapek ma an-go kendo aonge gi yweyo.’ ”

Zaburi 38:17

Nimar achiegni podho, kendo rem ma an-go osiko koda.

Zaburi 6:4

Lokri, yaye Jehova Nyasaye, mondo iresa; resa nikech herani ma ok rum.

Ywagruok 5:20

Ere gima omiyo wiyi wil kodwa kinde duto? Ere gima omiyo ijwangʼowa kuom kinde malach kamano?