Zaburi 127:1 - Motingʼo Loko Manyien

¹ Ka Jehova Nyasaye ok ema ger ot, to joma gere nyagore gi tich matek kayiem nono. Ka Jehova Nyasaye ok ema orito dala, to jorito ochungʼ karito kayiem.

MUMA MALER 2015

¹ Ka ok Ruoth Nyasaye ema ogero ot, to tich gedo odhi kanono, kendo ka ok en ema orito dala, to tich jorito ok nyal gimoro!

Zaburi 127:1 ပူးပေါင်းရင်းမြစ်များ

1 Ruodhi 5:12

Jehova Nyasaye nomiyo Solomon rieko mana kaka nosesingorene. Ne nitie winjruok mar kwe e kind Hiram kod Solomon kendo gin ji ariyogo negitimo singruok e kindgi.

1 Weche mag Ndalo 28:10

Emomiyo par malongʼo nikech Jehova Nyasaye oseyieri mondo igerne ot kaka kama ler mar lemo. Bed motegno kendo itim tich.”

1 Weche mag Ndalo 28:20

Bangʼe Daudi nowachone Solomon niya, “Bed motegno kendo gichir kendo tim tijni. Kik ibed maluor kendo kik chunyi nyosre nikech Jehova Nyasaye ma Nyasacha nobed kodi. Ok enojwangʼi bende ok noweyi nyaka itiek tije mag hekalu mar Jehova Nyasaye.”

1 Weche mag Ndalo 29:19

Kony Solomon wuoda osik kogeno kuomi gi chunye duto mondo orit chikeni gi dwaroni kod gima iwacho kendo mondo otim gik moko duto kaluwore gi chenro mar gedo malichni ma asechiworane.”

Zaburi 120:1

Ka an e chandruok to aluongo Jehova Nyasaye, kendo odwoka,

Zaburi 121:1

Atingʼo wangʼa ka arango gode, ere kuma konyruokna biro aye?

Zaburi 122:1

Ne amor gi joma nowachona niya, “Wadhiuru e od Jehova Nyasaye.”

Zaburi 123:1

Atingʼo wangʼa ka arango, in ma kom lochni ni e polo.

Zaburi 124:1

Ka dine bed ni Jehova Nyasaye ok jakorwa, jo-Israel mondo owach kamano,

Zaburi 125:1

Joma ogeno kuom Jehova Nyasaye chalo gi Got Sayun, ma ok nyal yiengi to osiko nyaka chiengʼ.

Zaburi 126:1

Kane Jehova Nyasaye odwogo joma otwe Sayun, to ne ochalonwa mana lek.

Zaburi 72:1

Sidh ne ruoth adiera mari, yaye Nyasaye, sidh ne wuod ruoth timni makare.

Zaburi 78:69

Ne ogero kare maler mar lemo, ka gode maboyo, kendo mana ka piny mane oguro nyaka chiengʼ.

Ngeche 16:9

E chuny dhano ochano yore, to Jehova Nyasaye ema telone ondamo mage.

Eklesiastes 9:11

Gimoro machielo ma bende aseneno e pinyni en ni jongʼwech maringo matek ok yomb e ngʼwech pile, kata joma thuondi e lweny ok lo lweny pile, joma riek ok yud chiemo ma gichamo pile kata joma nigi paro mariek ok bed jo-mwandu, kendo joma ongʼeyo tich ok bed jotelo; to kata kamano hawi marach mako ji duto.

Wer Mamit 3:3

Jorito mag dala noyuda ka girito dala, mine apenjogi niya “Bende usenenonae ngʼat ma chunya ohero?”

Wer Mamit 5:7

Jorito noromo koda kane giwuotho gotieno e alwora mar dala. Ne gigoya marach ma gihinya; kendo jorito marichogo, ne omaya lawa!

Isaya 27:3

An Jehova Nyasaye, aketo wangʼa kuome; kendo amiye pi pile. Arite odiechiengʼ gotieno mondo kik ngʼato kethe.

Isaya 56:10

Jorito mag Israel muofni, giduto gionge rieko; gichalo mana gi guogi mamuol, ma ok nyal giyo; kendo riere piny mi lek, nikech gihero nindo.

Isaya 62:6

Yaye Jerusalem, aseoro jorit e ohinga mari ok ginilingʼ odiechiengʼ gotieno. Un muluongo nying Jehova Nyasaye kik unyosru,

Jeremia 51:12

Tingʼuru banderane e ohinga mag Babulon! Med jolweny mamoko kijiwogi, ket jorito keregi, ikreuru mar monjogi! Jehova Nyasaye nodhi nyime gi chenro mare, buche moketo mondo otimre ni jo-Babulon.

Jeremia 51:31

Jangʼwech achiel luwo bangʼ machielo kendo jaote luwo bangʼ jaote machielo, mondo olandne ruodh Babulon ni dalane maduongʼ mangima osemaki,

1 Jo-Korintho 15:14

To ka Kristo pok ochier, to wayalo kayiem, kendo yie maru bende onge tiende.

1 Jo-Korintho 3:7

Omiyo ngʼat mochwoyo kata ngʼat moolo pi ok en gimoro, makmana Nyasaye, mamiyo gik moko dongo.

Jo-Galatia 4:11

Ulitna ahinya, kendo timbeu miyo aparo ni dipo nine ayalonu Injili kayiem nono.

Rapar mar Chik 8:18

To par Jehova Nyasaye ma Nyasachi, nimar en ema omiyi teko mar loso mwandu, kochopogo singruok mare mane osingore gi kwereu mana kaka en kawuononi.

Joshua 2:2

Ruodh Jeriko nonyisi niya, “Ngʼe ni jo-Israel moko osebiro ka gotienoni mondo onon pinywa.”