Zaburi 1:2 - Motingʼo Loko Manyien

² To chik Jehova Nyasaye ema more, kendo osiko oparo kuom chikene odiechiengʼ gotieno.

MUMA MALER 2015

² Chik Ruoth Nyasaye ema miye mor, kendo opuonjore chikno odiechieng’ gotieno.

Zaburi 1:2 ပူးပေါင်းရင်းမြစ်များ

Chakruok 24:63

Ka noyudo owuotho e pap godhiambo chiengʼ moro ka owuoyo gi Nyasaye, kendo kane orango malo, noneno ngamia kabiro.

Ezra 7:10

Nimar Ezra nosechiwore owuon ne somo matut kendo rito Chik mar Jehova Nyasaye, kod puonjo chikene gi buchene e Israel.

Ayub 23:12

Pok aweyo mak aluwo chike mowuok e dhoge; to asekawo weche mowuok e dhoge kaka mwandu maduongʼ moloyo chiemba mapile.

Zaburi 104:34

Mad gik ma aparo e chunya omiye mor, seche duto ma amor kuom Jehova Nyasaye.

Zaburi 112:1

Pak ne Jehova Nyasaye! Ogwedh ngʼama oluoro Jehova Nyasaye, kendo marito chikene gi mor.

Zaburi 119:1

Ogwedh joma yoregi ler, mawuotho koluwore gi chik Jehova Nyasaye.

Zaburi 119:11

Asekano wachni ei chunya mondo kik akethi e nyimi.

Zaburi 119:35

Taya e yo mar chikeni, nimar kanyo ema ayudoe mor.

Zaburi 119:72

Chik moa e dhogi berna moloyo ngʼinjo gana gi gana mag fedha gi dhahabu.

Zaburi 119:92

Ka dine bed ni chikeni ok ema miya mor, to dikoro aselal nono nikech masichena.

Zaburi 40:8

Chunya dwaro timo dwaroni, yaye Nyasacha; chikni ni ei chunya.”

Zaburi 88:1

Yaye Jehova Nyasaye, in e Nyasacha ma resa, aywagora e nyimi odiechiengʼ gotieno.

Jeremia 15:16

Ka wechegi nobiro, ne achamogi; ne gin morna, kendo ilo mar chunya, nimar iluonga gi nyingi, yaye Jehova Nyasaye Maratego.

Luka 18:7

To donge Nyasaye biro ngʼado bura kare ni joge moyier, maywakne odiechiengʼ gi otieno? Bende obiro tamore ma ok owinjogi?

Luka 2:37

eka nodoko dhako ma chwore otho nyaka koro ne en ja-higni piero aboro gangʼwen. Ne ok oa e hekalu to nolemo otieno gi odiechiengʼ, kotweyo chiemo kendo olamo.

Jo-Rumi 7:22

Nimar ei chunya maiye amor gi chik Nyasaye;

1 Jo-Thesalonika 2:9

Adier unyalo paro, jowetewa, kaka ne wanyagore kendo watiyo matek, ne watiyo odiechiengʼ gotieno mondo kik wami ngʼato angʼata tingʼ mapek e kinde mane wadak kodu ka wayalonu Injili mar Nyasaye.

1 Timotheo 4:15

Tim gigi gi chunyi duto, kichiwori chuth mar neno ni gitimore mondo ji duto one kaka imedo dhi nyime maber e yore duto.

2 Timotheo 1:3

Adwokone Nyasaye erokamano ma atiyone gi paro maler maonge bura, mana kaka kwerena bende notiyone, ka apari odiechiengʼ gotieno e lemona mapile.

Joshua 1:8

Kik iwe Kitabu mar Chikni oa e dhogi; par wechene matut odiechiengʼ kod otieno, mondo mi ibed motangʼ kitimo gik moko duto mondik e iye. Mano biro miyo ibedo gi hawi e gimoro amora mitimo.

1 Johana 5:3

Hero Nyasaye en luoro chikene, to chikene ok tek rito