Ywagruok 5:1 - Motingʼo Loko Manyien

¹ Yaye Jehova Nyasaye, parie gima osetimorenwa; rangwa mondo ineye wichkuot ma wan-go.

MUMA MALER 2015

¹ A Ruoth Nyasaye, parie gima osetimorenwa! Rangwa mondo ineye kaka wiwa okuot malit.

Ywagruok 5:1 ပူးပေါင်းရင်းမြစ်များ

Nehemia 1:3

Ne giwachona niya, “Jogo mane otony oa e twech kendo modwogo e gwengʼni nigi chandruok malich to gi wichkuot. Ohinga mar Jerusalem osemukore kendo dhorangeyege osewangʼ gi mach.”

Nehemia 1:8

“Parie puonj mane imiyo jatichni Musa, kiwacho ni, ‘Ka ok ubedo jo-ratiro, to abiro keyou e dier ogendini,

Nehemia 4:4

Winjwa, yaye Nyasachwa, nimar osejarwa. Mad idwok ayenjegi e wigi giwegi. Mad ichiwgi kaka wasumbini e piny mabor ka joma oter e twech.

Ayub 10:9

Parie ni ne ichweya koa kuom lowo. Koro sani, diduoka kendo e lowo adier?

Ayub 7:7

Yaye Nyasaye, parie kaka ngimana en mana muya nono; wengena ok nochak one mor kendo.

Zaburi 119:153

Ne chandruokna mondo ikonya, nimar pok wiya owil gi chikni.

Zaburi 74:18

Parie kaka jasigu osejari, yaye Jehova Nyasaye. Parie kaka joma onge rieko osechayo nyingi.

Zaburi 79:12

Chul kuor ne jobutwa nyadibiriyo kigoyo bembegi. Kuom ayany ma gisediro kuomi, yaye Jehova Nyasaye.

Zaburi 79:4

Waselokore gima kuodo wich ne jobutwa, joma ijaro kendo inyiero gi joma olworowa.

Isaya 62:6

Yaye Jerusalem, aseoro jorit e ohinga mari ok ginilingʼ odiechiengʼ gotieno. Un muluongo nying Jehova Nyasaye kik unyosru,

Jeremia 15:15

In ingʼeyo, yaye Jehova Nyasaye; para kendo konya. Chul kuor ne joma sanda. Isenano koda omiyo kik iweya; par kaka osesanda kochaya nikech in.

Jeremia 51:51

“Ochawa, nimar oseyanywa kendo wichkuot oumo wengewa, nikech joma oa e pinje mamoko osedonjo e kuonde maler mar od Jehova Nyasaye.”

Ywagruok 1:11

Joge duto chur kaywagore ka gimanyo chiemo; giloko mwandugi mondo giyud chiemo, mondo gibed mangima. “Yaye Jehova Nyasaye, neye kendo iparae, nimar ji ochaya.”

Ywagruok 1:20

Yaye Jehova Nyasaye, nee kaka anie chandruok malich! Iya nyawni, kendo chunya chandore malich, nikech ok aseluoro chikeni. Lweny nego ji oko mar dala to ei dala bende tho nekoe.

Ywagruok 1:9

Chilo ma en-go omienore e lepe, ne ok odewo gima biro timorene bangʼe. Nopodho malich miwuoro, to onge ngʼama ne nyalo hoye. Yaye Jehova Nyasaye, neye chandruok ma an-go, nimar wasigu oseloyo.

Ywagruok 2:15

Ji duto makadho buti pamo ni lwetegi; gijari kendo gikino wigi kuom gigo mosetimorene Nyar Jerusalem, ka gipenjore niya, “Bende ma e dala maduongʼ ma yande ongʼere ni dala maler, kendo mor mar piny mangima?”

Ywagruok 2:20

Yaye Jehova Nyasaye winjie wachni: En ngʼa misetimone gima lit machal kama? Bende mon dicham nyithindgi ma giserito maber kama? Koso jodolo gi jonabi dinegi e kama ler mar lemo mar Ruoth Nyasaye adier?

Ywagruok 3:19

Aparo chandruokna, wuodhena ma ok nikare, kaachiel gi lit gi kuyo.

Ywagruok 3:50

nyaka chop Jehova Nyasaye nokul wangʼe piny ma onena gie polo.

Ywagruok 3:61

Yaye Jehova Nyasaye, isewinjo ayany mag-gi, kaachiel gi timbe mamono ma gichano timona,

Habakuk 3:2

Jehova Nyasaye, asewinjo humbi; achungʼ e nyimi ka an-gi luoro kuom gik misetimo, yaye Jehova Nyasaye. Mad itimgi kendo e kindewa, mi gingʼere e ndalowani; ka in gi mirima to mad ipar ngʼwono.

Luka 23:42

Eka nowacho niya, “Yesu, para chiengʼ mibire gi pinyruodhi.”