Ywagruok 2:5 - Motingʼo Loko Manyien

⁵ Ruoth Nyasaye chalo gi jasigu; kendo osetieko Israel! Osemuko ute Israel duto mag ruoth kendo oseketho mieche mochiel motegno. Osemedo ywagruok kod kuyo ne Nyar Juda.

MUMA MALER 2015

⁵ Adier, Ruoth Nyasaye oselokore jasigu, mi otieko Israel. Osemuko udi madongo duto, kendo mier mochiel motegno oduoko piny, bende osekelo ni Jerusalem kuyo kod ywagruok.

Ywagruok 2:5 ပူးပေါင်းရင်းမြစ်များ

2 Ruodhi 25:9

Nowangʼo hekalu mar Jehova Nyasaye, kar dak ruoth kod udi duto man Jerusalem. Bende nowangʼo udi duto moger mabeyo.

Ayub 13:24

Angʼo momiyo ipando wangʼi kendo ikawa kaka jasiki?

Ayub 19:11

Mirimbe maliel ka mach ni kuoma; kendo okwana kaka achiel kuom wasike.

Zaburi 89:40

Isegoyo ohingane duto piny kendo isemuko kuondege mochiel motegno mi olokore gunda.

Zaburi 89:41

Ji duto makalo bute oseyake; osedoko ngʼama jobute nyiero.

Isaya 29:2

To kata kamano abiro monjo Ariel mi enobedi gi ywagruok kod kuyo, kendo enochalna mana ka kendo mar misango.

Isaya 63:10

Kata kamano ne gingʼanyo mi gimiyo Roho Maler mare okuyo. Omiyo nolokore obedo jasikgi kendo en owuon ne okedo kodgi.

Jeremia 15:1

Eka Jehova Nyasaye nowachona kama: “Kata dabed ni Musa gi Samuel ema nyalo chungʼ e nyima, to ok anyal weyonegi richogi. Golgi oko e nyima! Wegi gidhi!

Jeremia 21:4

‘Ma e gima Jehova Nyasaye, Nyasach Israel, wacho: Achiegni loko gige lweny manie lwetugo mondo ogou, magin mago mutiyogo mondo ukedgo gi ruodh Babulon kod jo-Babulon mantiere oko mar ohinga. Kendo anachokgi duto ei dala maduongʼni.

Jeremia 30:14

Joma ne osiepeni duto wigi osewil kodi; kendo ok gidewi. Asegoyi mana ka jasigu kendo kumi mana ka ngʼama kwiny, nikech ketho mari duongʼ kendo richoni ngʼeny.

Jeremia 52:13

Nowangʼo hekalu mar Jehova Nyasaye, kar dak ruoth kod udi duto man Jerusalem. Bende nowangʼo udi duto moger mabeyo.

Ywagruok 2:2

Ruoth Nyasaye oseketho mier duto mag Jakobo ka ok odewo; nikech mirimbe osemuko kuonde mochiel motegno mag Nyar Juda. Nokuodo wi jopinyno gi jotende mi odwoko lochgi chien.

Ywagruok 2:4

Oseywayo atungʼe mar kedo gi joge mana ka gima gin wasike. Kaka jasigu neko, osenego jogo duto mane nenore mabeyo e wangʼ, kendo oseolo mirimbe oko ka mach kuom hemb Nyar Sayun.

Ezekiel 2:10

mane oyaro e nyima. E bathe koni gi koni ne ondikie weche mag ywagruok gi kuyo kod achiedh-nade.

1 Samuel 28:16

Samuel nowacho niya, “Angʼo momiyo ipenja wach ka Jehova Nyasaye oseweyi mobedo jasiki?