Wuok 8:19 - Motingʼo Loko Manyien

¹⁹ Ajuoke nowacho ne Farao niya, “Ma en lwet Nyasaye!” To kata kamano chuny Farao ne tek kendo ne ok onyal winjo wach Musa gi Harun mana kaka Jehova Nyasaye nowacho.

MUMA MALER 2015

¹⁹ Eka ajuoke nowachoni Farao niya, “Ma en hond Nyasaye.” To wi Farao ne pod tek, kendo ne ok owinjo wach Musa gi Harun, mana kaka Ruoth Nyasaye nosenyiso.

Wuok 8:19 ပူးပေါင်းရင်းမြစ်များ

Chakruok 41:24

Wiye cham abiriyo mothogo nomwonyo wiye cham abiriyo mochiek. Ne anyiso ajuoke, to onge ngʼato mane nyalo lokona tiendgi.”

Zaburi 8:3

Kaparo polo mari ma gin tich lweti, kaparo dwe gi sulwe miseketo kargi,

Wuok 10:23

Onge ngʼato mane nyalo neno wadgi kata wuok oko kuom ndalo adek, kata kamano piny Israel to ne nigi ler kama negidakie.

Wuok 10:7

Jodong Farao nowachone niya, “Ngʼatni nobednwa obadho nyaka karangʼo? We ogandani odhi mondo mi gidhi gilam Jehova Nyasaye ma Nyasachgi. Dibed ni pok ifwenyo ni Misri kethore?”

Wuok 11:7

To jo-Israel nobed gi kwe ma kata mana guok ok nogwe dhano kata chiayo.’ Bangʼ mano eka unungʼe ni Jehova Nyasaye keto pogruok e kind Misri gi Israel.

Wuok 7:13

To kata kamano, chuny Farao ne odoko matek kendo ne ok onyal winjogi mana kaka Jehova Nyasaye ne osewacho.

Wuok 7:4

to Farao ok nowinju. Omiyo anasand jo-Misri gi masiche madongo kakumogi malich mi anagol joga ma jo-Israel e piny Misri.

Wuok 7:5

Kendo jo-Misri nongʼe ni an Jehova Nyasaye e kinde ma anakumgi ka agolo jo-Israel kuomgi.”

Wuok 9:26

Makmana piny Goshen kende ema pe ok ochwee, kama piny ma jo-Israel nodakie.

Wuok 9:4

To Jehova Nyasaye biro keto pogruok kuom jamb jo-Israel kod mago mag jo-Misri mi onge chiach ja-Israel moro amora ma biro tho.’ ”

Daniel 2:19

Otienono nonyis Daniel tiend midhierono e lek. Eka Daniel nopako Nyasach polo,

Mathayo 12:28

To ka ariembo jochiende gi teko mar Roho Maler to kare pinyruoth Nyasaye osebironu.

Luka 11:20

To ka ariembo jochiende gi lith lwet Nyasaye to kare pinyruoth Nyasaye osebironu.

Johana 11:47

Eka jodolo madongo gi jo-Farisai nochoko buch jo-Sanhedrin, kendo negipenjore niya, “Watim angʼo? Ngʼatni medo timo timbe honni mangʼeny moloyo.

Tich Joote 4:16

“Angʼo ma wanyalo timo ni jogi? Ji duto modak Jerusalem ongʼeyo maber ni gisetimo hono mongʼongʼore, kendo ok wanyal kwedo mano.

1 Samuel 6:3

Negidwoko niya, “Ka udwoko Sandug Muma mar Nyasach jo-Israel, to kik udwoke nono, nyaka une ni udwoke gi misango mar pwodhruok e ketho, eka nochangu, bende ubiro ngʼeyo gima omiyo lwete ok oseweyo sandou.”

1 Samuel 6:9

to sikuru ka ungʼiye. Ka odhi mochomo thurgi nyaka, Beth Shemesh, to kara Jehova Nyasaye ema osekelo sand maduongʼni kuomwa. To ka ok otimore kamano to wabiro ngʼeyo ni lwete ok ema osesandowa to ni mani obironwa abira.”