Wuok 7:15 - Motingʼo Loko Manyien

¹⁵ Dhi ir Farao gokinyi ka odhi e aora. Rite e bath aora Nael mondo irom kode, bende kaw luth mane olokore thuol cha e lweti.

MUMA MALER 2015

¹⁵ Dhiyo ire gokinyi, kodhi e aora Nael, mi irite e dho aora, kiting’o luth mane olokore thuolcha.

Wuok 7:15 ပူးပေါင်းရင်းမြစ်များ

1 Weche mag Ndalo 16:21

Ne ok oyie mondo ngʼato osandgi, nokwero ruodhi kowachonegi niya,

Wuok 2:5

Eka nyar Farao nodhi e aora Nael mondo olwokre, ka jotichne to ne wuotho e geng aora. Nyar Farao noneno oserano ka ni e kind odundu, mine ooro jatichne ma nyako mondo ogeme.

Wuok 7:10

Kuom mano, Musa kod Harun ne odhi ir Farao mi gitimo mana kaka Jehova Nyasaye nochikogi. Harun nodiro ludhe piny e nyim Farao kod jodonge mi nolokore thuol.

Wuok 7:14

Eka Jehova Nyasaye nowacho ne Musa niya, “Chuny Farao pod tek, odagi weyo joga mondo odhi.

Wuok 8:20

Eka Jehova Nyasaye nowacho ne Musa niya, “Chiew gokinyi ahinya mondo irom gi Farao ka odhi e aora Nael mondo inyise kama: Ma e gima Jehova Nyasaye wacho: We joga odhi mondo gilama.

Ezekiel 29:3

Wuo kode kendo iwachne ni: ‘Ma e gima Jehova Nyasaye Manyalo Gik Moko Duto wacho: “ ‘Adagi, in Farao ruodh Misri, ichalo gi thuond rachier modak e aore magi. In to iwacho niya, “Aora Nael en mara, mane aloso gi lweta awuon.”