Wuok 6:5 - Motingʼo Loko Manyien

⁵ To bende asewinjo ngʼur, mar jo-Israel ma jo-Misri oseloko wasumbinigi mi aparo singruokna.

MUMA MALER 2015

⁵ Koro asewinjo ywak jo-Israel ma jo-Misri oseloko wasumbni, mi aseparo singruok mane atimono.

Wuok 6:5 ပူးပေါင်းရင်းမြစ်များ

Chakruok 8:1

To Nyasaye noparo Nowa gi le mag bungu kod jamni mane ni kode ei yie, kendo notugo yamo mokudho e piny mi pi nochako dwono.

Chakruok 9:15

anapar singruok e kinda kodi kaachiel gi gik mangima duto, tiengʼ ka tiengʼ. Pi ok nochak oketh gik mangima duto.

Zaburi 105:8

Oparo singruokne nyaka chiengʼ, weche mane osingo e tienge tara,

Wuok 2:23

E kinde mane Musa pod odak Midian, Farao ruodh Misri notho. Jo-Israel ne ngʼur ahinya kuom tichgi mar wasumbini mi giywak malit, kendo ywakgi mondo oresgi e tich mar bedo misumba nochopo ir Nyasaye.

Wuok 2:24

Nyasaye nowinjo ngʼurgi mi oparo singruokne gi Ibrahim gi Isaka kod Jakobo.

Wuok 3:7

Eka Jehova Nyasaye nowacho niya, “Chutho aseneno thagruok mar joga e piny Misri. Asewinjo ywakgi nikech joma chunogi e tich mar wasumbini kendo angʼeyo thagruokgi.

Wuok 5:4

To ruodh Misri nowachonegi niya, “Musa gi Harun, en angʼo momiyo ugolo ji kuom tijegi ma gitimo? Doguru e tiju!”

Isaya 63:9

E litgi duto en bende ne en gi lit kendo malaika mane ni e nyime ne oresogi. Kuom herane kod ngʼwonone neresogi; mi otingʼogi malo nyaka aa ndalo machon.

Luka 1:54

Osekonyo jatichne Israel, koparo bedo mangʼwon,

Luka 1:72

mondo onyis kech ne kwerewa, kendo opar singruokne maler,