Wuok 40:38 - Motingʼo Loko Manyien

³⁸ Kuom mano bor polo mar Jehova Nyasaye ne nitie ewi Hemb Romo godiechiengʼ, to mach ne nitie ei bor polono gotieno e nyim jo-Israel duto e wuodhegi.

MUMA MALER 2015

³⁸ Kamoro amora mane jo-Israel dhiye, bor polo mar Ruoth Nyasaye nosiko ewi Hema Maler godiechieng’, to gotieno mach ne liel ei bor polono, kendo jo-Israel duto ne nyalo nene.

Wuok 40:38 ပူးပေါင်းရင်းမြစ်များ

2 Samuel 7:6

Pok adak e ot chakre ndalo mane agolo jo-Israel e piny Misri nyaka kawuono. Asebedo kawuotho kuonde miguroe hema mopogore kaka kar dakna.

Zaburi 105:39

Noumogi gi boche polo kaka raum, kendo mach nochiwonegi ler gotieno.

Zaburi 78:14

Ne otayogi kod bor polo godiechiengʼ kendo giler moa e mach otieno duto.

Wuok 13:21

Godiechiengʼ Jehova Nyasaye netelonegi gi bor polo mondo otelnegi e yorgi kendo gotieno notelonegi gi ligek mach mondo omigi ler, mondo mi negiwuothi odiechiengʼ kata otieno.

Wuok 13:22

Boche mag polo mane otelonegi godiechiengʼ kata ligek mach mane otelonegi gotieno ne ok owuok kama ne entiere e nyim ogandano.

Kwan 10:34

Bor polo mar Jehova Nyasaye noumogi godiechiengʼ kane giwuok e kargi mar bworo.

Kwan 9:12

Kik giwe chiemogo machop okinyi bende kik gitur choke rombono. E kinde ma gitimo nyasi mar Pasaka nyaka gine ni giluwo chike duto.

Kwan 9:15

E odiechiengʼ mane osetiek gero kar lemo, ma en Hema mar Singruok, bor polo noume. Chakre odhiambo nyaka okinyi bor polo mane oumo kar lemo ne chalo ka mach.

Kwan 9:16

Mano e kaka nochalo ka bor polo oume godiechiengʼ to gotieno ochalo ka mach.