Wuok 40:20 - Motingʼo Loko Manyien

²⁰ Nokawo Kite mag Rapar moketo ei Sanduk Muma; norwako ludhe e chumbe molworore mag Sanduk eka noyieyo raum e wiye.

MUMA MALER 2015

²⁰ Nokawo kite mag rapar moketo e sanduk. Norwako ludhe e ratege mag sanduk, eka noyieyo raum e wiye.

Wuok 40:20 ပူးပေါင်းရင်းမြစ်များ

1 Ruodhi 8:9

Ne onge gimoro ei Sandug Muma makmana kite ariyo mopa mane Musa oketo e iye kane en Horeb kama Jehova Nyasaye ne otimoe singruok kod jo-Israel kane gisewuok Misri.

1 Weche mag Ndalo 15:3

Daudi nochoko jo-Israel duto Jerusalem mondo gikel Sandug Muma mar Jehova Nyasaye kama ne oselosone.

2 Weche mag Ndalo 5:10

Ne onge gimoro ei Sandug Muma makmana kite ariyo mopa mane Musa oketo e iye kane en Horeb kama Jehova Nyasaye ne otimoe singruok kod jo-Israel kane gisewuok Misri.

Zaburi 40:8

Chunya dwaro timo dwaroni, yaye Nyasacha; chikni ni ei chunya.”

Wuok 16:34

Kaka Jehova Nyasaye nochiko Musa, Harun noketo manna e nyim Sandug Muma mondo mi okane.

Wuok 26:34

Ket raum mar pwodhruok ewi Sandug Rapar ei Kama Ler Moloyo.

Wuok 31:18

Kane Jehova Nyasaye otieko wuoyo gi Musa ewi Got Sinai nomiye kite ariyo mopa mag rapar mane gin kite mopa ariyo ma Nyasaye nondikoe gi lwete owuon.

Wuok 40:19

Eka noyaro hema ewi Hemb Romo mi oketo raum e wiye kaka Jehova Nyasaye nochike.

Wuok 40:3

Ket Sandug Muma e iye kendo igengʼe gi pasia.

Mathayo 3:15

Yesu nodwoko niya, “We otimre kamano sani; en gima ber ne an kodi mondo watim ma, eka wachop tim makare duto.” Eka Johana noyie.

Jo-Rumi 10:4

Kristo e giko mar Chik kendo en ema okelo ngima makare ni ji duto moyie.

Jo-Rumi 3:25

Nyasaye nochiwe kaka misango mar golo richo, nikech yie kuom rembe. Ne otimo ma mondo onyis timne makare, nikech e kinde motelo, Nyasaye ne ok odewo richo mane ji osetimo nikech kechne.

Rapar mar Chik 10:5

Eka ne alor kaa e got mi aketo kite mopa mag chikego e sanduku mane aseloso mana kaka Jehova Nyasaye ne osechiko kendo gin kanyo nyaka chil kawuono.

Jo-Hibrania 4:16

Kuom mano, wasuduru but kom duongʼ mar ngʼwono ka wan gi chir, mondo wayud kech gi ngʼwono e sa mwadware kony.

Jo-Hibrania 9:4

ne nitie kendo mar misango molos gi dhahabu miwangʼoe ubani kod Sandug Muma mowir gi dhahabu gi ludh Harun mane chako loth, kod kite mopa mondikie singruok.

1 Johana 2:2

En e misango magolo richowa, to ok marwa kende, to nyaka richo mar piny ngima.