Wuok 40:13 - Motingʼo Loko Manyien

¹³ Bangʼe rwak Harun gi lepe maler mag dolo, wire kendo wale mondo otina kaka jadolo.

MUMA MALER 2015

¹³ Eka irwak Harun gi lep dolo, kendo iwire gi mo, kiwale mondo obed jadolona.

Wuok 40:13 ပူးပေါင်းရင်းမြစ်များ

Wuok 28:41

Bangʼ ka iserwako lewnigi kuom owadu Harun gi yawuote, to wirgi gi mo kendo ipwodhgi. Walgi mondo gitina kaka jodolo.

Wuok 29:7

Kaw mor pwodhruok kiolo e wiye mondo ipwodhego.

Wuok 40:14

Kel yawuote kendo irwaknegi kandho moro ka moro.

Isaya 61:1

Roho mar Jehova Nyasaye Manyalo Gik Moko Duto ni kuoma, nikech Jehova Nyasaye osewira, mondo aland wach maber ne joma odhier. Oseora mondo akwe chuny jok modakie lit, kendo mondo aland ne joma otwe ni gin thuolo, bende mondo ahul ne joma otwe modakie mudho ni koro osegonygi.

Tim jo-Lawi 7:35

Ma e migawo mar chiwo miwangʼo pep ne Jehova Nyasaye mane opogone Harun gi yawuote e odiechiengʼ mane owalgi mondo gitine Jehova Nyasaye kaka jodolo.

Tim jo-Lawi 7:36

E odiechiengʼ mane opwodhgi, Jehova Nyasaye nochiwo chik ni jo-Israel mondo omigi ma kaka pokgi mapile ne tienge mabiro.

Tim jo-Lawi 8:13

Bangʼe nokelo yawuot Harun morwakonegi kandho, eka otweyonigi okanda e nungogi kendo osidhonegi kilemba mana kaka Jehova Nyasaye nochike.

Johana 17:19

Apwodhora nikech gin, mondo omi gin bende gipwodhreni gi adiera.

Johana 3:34

Nimar Jal ma Nyasaye oseoro wacho weche Nyasaye, nikech Nyasaye chiwo Rohone mogundho ma ok ongʼwonyo lwete.

Jo-Hibrania 10:10

Nikech Yesu Kristo notimo dwaro Nyasaye, omiyo koro osepwodhwa e richo kuom ringre mane ochiwo kaka misango dichiel kende.

Jo-Hibrania 10:29

Koro iparo ni ngʼat monyono Wuod Nyasaye piny gi tiende, makawo remo mar singruok mane opwodhego ka gima nono, kendo ma yanyo Roho mar ngʼwono, to biro yudo kum malich machal nade?

1 Johana 2:20

Un ema Ngʼama Maler osewirou omiyo ungʼeyo adiera.

1 Johana 2:27

Un to Roho mane Kristo omiyou osewirou, omiyo ok uchando ngʼat mapuonjou. To kaka Roho museyudono puonjou kuom gik moko duto, kendo dak ma Roho odak godo e iwu en adiera ma ok miriambo mana kaka osepuonjouno, sikuru kuome.