Wuok 36:8 - Motingʼo Loko Manyien

⁸ Jotich molony duto mane nigi jotich mamoko nogero Hemb Romo gi pasia apar mar law mayom momin man-gi rangi marambulu gi maralik kod marakwaro ka ogorie kido mar malaika mar kerubi gi jagoro molony.

MUMA MALER 2015

⁸ Jotich molony ema noloso Hema Maler. Ne gilosone pasia apar mag law katana maber, mogoe kido mag kerubi gi usi mambulu gi maralik kod makwar mana kaka jatueng’o molony goro.

Wuok 36:8 ပူးပေါင်းရင်းမြစ်များ

1 Ruodhi 6:23

Ei kama ler mar lemo noloso malaika mar kerubi ariyo gi bap Zeituni ka moro ka moro borne madhi malo romo fut apar gabich.

1 Weche mag Ndalo 15:1

Kane Daudi osegero ute e Dala Maduongʼ mar Daudi, ne oloso kama Sandug Muma mar Nyasaye nyalo betie ma ogurone hema.

2 Weche mag Ndalo 1:3

Kendo Solomon gi chokruok duto nodhi kar lemo motingʼore malo e Gibeon nikech Hemb Romo mar Nyasaye mane Musa jatich Jehova Nyasaye noloso e thim ne ni kanyo.

2 Weche mag Ndalo 3:10

E Kama Ler Moloyo nopayo kerubi ariyo kendo obawogi kod dhahabu.

Wuok 25:18

Kendo e giko mar raumno los kido mar malaika ariyo miluongo ni kerubi gi dhahabu mothedhi.

Wuok 25:22

Ewi raum kanyo e kind kerubi ariyo manie wi Sandug Muma, ema abiro romoe kodi kendo kanyo ema namiyie chikena mondo iterne jo-Israel.

Wuok 31:6

Kata kamano aseyiero Oholiab wuod Ahisamak bende, maa e dhood Dan mondo okonye. “Bende asechiwo rieko ni jotich lwedo duto molony mondo olos gik moko duto masechiki kaka:

Wuok 31:7

Hemb Romo, Sandug Rapar mar pwodhruok gi raumne, kod gik moko duto mag hema kaka:

Wuok 35:10

“Jotich duto molony mantie e kindu nyaka bi mondo olos gik moko duto ma Jehova Nyasaye osechiko kaka:

Wuok 36:9

Pasiago duto ne romre ka borne romo fut piero angʼwen gariyo to lachne romo fut auchiel.

Wuok 39:3

Ne githedho dhahabu marep-rep kendo ne gilire matindo tindo mondo olosgo law marambuluno gi maralik kod marakwaro kolose gi jatwengʼo molony.