Wuok 36:1 - Motingʼo Loko Manyien

¹ Kuom mano Bezalel, Oholiab kod jotich duto molony mane Jehova Nyasaye omiyo rieko gi nyalo mar ngʼeyo kaka itiyo tich duto mar gero kama ler mar lemo nyaka ti mana kaka Jehova Nyasaye osechiko.”

MUMA MALER 2015

¹ “Bezalel gi Oholiab kod jotich molony duto mane Ruoth Nyasaye osemiyo rieko kod ng’eyo mar loso gik moko duto midwaro mondo olosgo Kama Ler nyaka los gigo duto mana kaka Ruoth Nyasaye osechiko.”

Wuok 36:1 ပူးပေါင်းရင်းမြစ်များ

1 Ruodhi 7:14

ma min-gi ne en dhako ma chwore otho, nyar dhood Naftali kendo wuon-gi ne ja-Turo kendo ngʼat molony e loso mula. Huram ne en ngʼat mariek, ngʼat man-gi ngʼeyo kendo molony ahinya e kit tije duto mag mula. Nobiro ir ruoth Solomon motimo tije duto mane omiye.

1 Weche mag Ndalo 2:20

Hur ne onywolo Uri, to Uri ne onywolo Bezalel.

1 Weche mag Ndalo 28:21

Migepe mag jodolo kod jo-Lawi oseikore ne tije duto mag hekalu mar Jehova Nyasaye, kendo joma ochiwore molony e tije mopogore opogore oikore konyi e tije duto. Jotelo kod ji duto nowinj weche duto miwacho.

Zaburi 119:6

Dine ok aneno wichkuot nikech aketo chunya e chikeni duto.

Wuok 12:28

Jo-Israel notimo mana kaka Jehova Nyasaye nochiko Musa kod Harun.

Wuok 25:8

“Bangʼ mano gigerna kama ler mar lemo kendo anadag kodgi.

Wuok 28:3

Nyis jotich molony duto ma asemiyo rieko e yore machalo kamago ni mondo gilos ne Harun lewnigo mag pwodhruok mondo otinago kaka jadolo.

Wuok 31:11

kod mor pwodhruok gi ubani madungʼ tik mangʼwe ngʼar mar Kama Ler. “Nyaka gilose mana kaka nachiki.”

Wuok 36:2

Eka Musa noluongo Bezalel gi Oholiab kod jotich duto molony mane Jehova Nyasaye omiyo rieko gi nyalo kendo mane oyie biro mondo oti.

Wuok 38:23

ne en gi Oholiab wuod Ahisamak ma ja-dhood Dan ma jatich lwedo kendo jagoro kendo jatwangʼ lewni marambulu gi maralik kod marakwaro.)

Wuok 39:1

Negiloso lep dolo momin gi law mayom marambulu gi maralik kod marakwaro ma itiyogo e kama ler mar lemo. Bende negiloso lewni mopwodhi ne Harun kaka Jehova Nyasaye nochiko Musa.

Kwan 7:9

To joka Kohath, Musa ne ok omiyogi gimoro amora nikech tich mane omigi ne en mar tingʼo gik maler.

Mathayo 28:20

kendo kupuonjogi mondo gitim gik moko duto ma asechikou. To awachonu adier ni an kodu ndalo duto, nyaka giko mar ndalo.”

Luka 1:6

Giduto ji ariyo ne gin joma kare e nyim Nyasaye, negirito chike Ruoth Nyasaye kod buchene, maonge ketho.

Jo-Hibrania 8:2

en ema otiyo e kama ler mar lemo, ma en Hemb Romo madier ma Ruoth ema oguro, to ok dhano.