Wuok 34:4 - Motingʼo Loko Manyien

⁴ Kuom mano Musa nopayo kite ariyo machal gi mane okwongo ka kendo nodhi ewi Got Sinai gokinyi kotingʼogi e lwete mana kaka Jehova Nyasaye nosechike.

MUMA MALER 2015

⁴ Kuom mano Musa nopayo kite ariyo machal gi mokwongo. Kinyne gokinyi nodhi ewi got Sinai, kaka Ruoth Nyasaye nosechike koting’o kitego.

Wuok 34:4 ပူးပေါင်းရင်းမြစ်များ

Wuok 19:20

Jehova Nyasaye nolor ewi Got Sinai mi oluongo Musa nyaka ewi godno. Omiyo Musa noidho e got

Wuok 19:3

Eka Musa noidho got mondo odhi owuo gi Nyasaye kendo Jehova Nyasaye noluonge gi ewi got mowachone kama: “Ma e gima iwachne od Jakobo to gi jo-Israel.

Wuok 32:16

Kitego ne gin tich Nyasaye; kendo ndiko mane ni kuomgi ne mar Nyasaye.

Wuok 34:1

Jehova Nyasaye nowacho ne Musa niya, “Paa kite ariyo machal gi mane okwongo ka kendo anandikie weche mane ni e kite mokwongo mane itoyo.

Rapar mar Chik 10:1

E kindeno Jehova Nyasaye nowachona niya, “Paa kite ariyo machal gi mane okwongo ka, mondo ibi ira e got kendo ilos Sanduk bao.

Rapar mar Chik 10:3

Omiyo ne aloso Sandug Muma gi yiend siala, mine apayo kite ariyo machal gi mane okwongo ka, eka ne adhi e got gi kite ariyogo katingʼo e lweta.