Wuok 34:1 - Motingʼo Loko Manyien

¹ Jehova Nyasaye nowacho ne Musa niya, “Paa kite ariyo machal gi mane okwongo ka kendo anandikie weche mane ni e kite mokwongo mane itoyo.

MUMA MALER 2015

¹ Ruoth Nyasaye nowacho ni Musa niya, “Pa kite ariyo machal gi mane igoyo piny, mobarore kande, mondo andikie weche mane ni e kite mokwongogo.

Wuok 34:1 ပူးပေါင်းရင်းမြစ်များ

Zaburi 119:89

Wachni ochwere, yaye Jehova Nyasaye; ochungʼ mogurore e polo.

Wuok 24:12

Jehova Nyasaye nonyiso Musa niya, “Bi ira ewi got mondo ibed ka kendo anamiyi kite mopa masendikoe chike kod buche mondo ipuonj oganda.”

Wuok 31:18

Kane Jehova Nyasaye otieko wuoyo gi Musa ewi Got Sinai nomiye kite ariyo mopa mag rapar mane gin kite mopa ariyo ma Nyasaye nondikoe gi lwete owuon.

Wuok 32:16

Kitego ne gin tich Nyasaye; kendo ndiko mane ni kuomgi ne mar Nyasaye.

Wuok 32:19

Kane Musa ochopo machiegni gi kambi koa e tiend got noneno ji kamiel e nyim nyaroya, kendo iye nowangʼ mi nodiro kite mopa mane ni e lwete piny ma gitore matindo tindo.

Wuok 34:28

Musa nobedo gi Jehova Nyasaye kuno kuom ndalo piero angʼwen odiechiengʼ gotieno, ka ok ocham makati kata modho pi. Kendo nondiko weche mag singruokgi e kite mopa miluongi ni Chike Apar.

Wuok 34:4

Kuom mano Musa nopayo kite ariyo machal gi mane okwongo ka kendo nodhi ewi Got Sinai gokinyi kotingʼogi e lwete mana kaka Jehova Nyasaye nosechike.

Jeremia 36:32

Omiyo Jeremia nokawo kitabu machielo kendo omiye Baruk wuod Neria jandik muma, kendo kaka Jeremia ne ohulo, Baruk nondiko e kitabuno weche duto mar kitabu mane Jehoyakim ruodh Juda nosewangʼo e mach kendo weche mangʼeny machalre nomed kuomgi.

Rapar mar Chik 4:13

Ne owachonu singruokne, ma gin Chike Apar, mane ochikou mondo uluw kendo ne ondikogi e kite mopa ariyo.