Wuok 32:29 - Motingʼo Loko Manyien

²⁹ Eka Musa nowacho niya, “Un osewalu ni Jehova Nyasaye kawuono nimar ne ulokoru gi oweteu gi yawuotu kendo Jehova Nyasaye osegwedhou kawuono.”

MUMA MALER 2015

²⁹ Eka Musa nowachonigi kendo niya, “Kawuono usewaloru ni tich Nyasaye chuth, nikech usenego yawuotu kod oweteu, omiyo Ruoth Nyasaye oguedhou tinende.”

Wuok 32:29 ပူးပေါင်းရင်းမြစ်များ

2 Weche mag Ndalo 35:3

Nowachone jo-Lawi mane osepwodhi ni Jehova Nyasaye mondo opuonj jo-Israel duto niya, “Keturu Sanduku Maler e hekalu mane Solomon wuod Daudi ruodh Israel nogero. Ok onego utingʼe e goku. Omiyo tineuru Jehova Nyasaye ma Nyasachu kendo ni joge Israel.

Wuok 32:28

Jo-Lawi notimo kaka Musa nochikogi kendo chiengʼno ji madirom alufu adek nonegi.

Wuok 32:30

Kinyne Musa nowacho ni ji niya, “Usetimo richo maduongʼ to koro abiro dhi ir Jehova Nyasaye nimar dipoka akwayonu Jehova Nyasaye mondo owenu richou.”

Ngeche 21:3

Timo gima kare kod mowinjore ema Jehova Nyasaye oyiego moloyo misango.

Zekaria 13:3

Ka dipo ni ngʼato pod dhi nyime gi koro wach, to wuon gi min monywole nowachne ni, ‘Nyaka itho, nikech isewacho miriambo kikonyori gi nying Jehova Nyasaye.’ Ka ngʼato okoro wach, to jonywolne owuon ema nonege gi ligangla.

Mathayo 10:37

“Ngʼato angʼata mohero wuon-gi kata min-gi moloya ok owinjore koda. Kamano bende, ngʼato angʼata mohero wuode kata nyare moloya ok owinjore koda;